رەسەيگە قارسى باتىستىق سانكتسيالار قازاقستاندىق كومپانيالاردىڭ ساۋدا-ساتتىعىنا كەدەرگى كەلتىرەدى، سونىڭ سالدارىنان ولار شىعىنعا ۇشىراۋدا. بۇل تۋرالى قازاقستان پرەمەر-ءمينيسترىنىڭ ورىنباسارى سەرىك جۇمانعارين Bloomberg-كە بەرگەن سۇحباتىندا ايتتى، دەپ حابارلايدى “ادىرنا” ۇلتتىق پورتالى.
ۆيتسە-پرەمەردىڭ ايتۋىنشا، قازاقستان ءوزىنىڭ ەكونوميكالىق مۇددەلەرىن قورعاۋعا ۇمتىلادى.
«ءبىز ءوز وندىرۋشىلەرىمىزدىڭ ساۋداعا تىيىم سالۋىنا جول بەرمەيمىز»، - دەگەن ول.
ءمينيستردىڭ ايتۋىنشا، اقش قارجى مينيسترلىگىنىڭ سانكتسيالارىنا ۇشىراعان قازاقستاندىق كومپانيالار تاراتىلىپ جاتىر. كەيبىر سانكتسيالار قازاقستانعا پروپورتسيونالدى تۇردە زيان كەلتىرگەنىن دە ايتتى. ال باتىس سەرىكتەستەرى، جۇمانعاريننىڭ ايتۋىنشا، شىعىنداردى وتەۋ ءۇشىن از كۇش سالدى.
“قازاقستان ءوز ەكونوميكالىق مۇددەلەرىن ءبىرىنشى ورىنعا قويۋعا ۋادە بەرىپ، رەسەيگە قارسى سانكتسيالار قولدانۋدا جاڭا باعىت جۇرگىزۋدە، سونداي-اق يراننان قىتايعا دەيىنگى ەلدەرمەن ساۋدا بايلانىستارىن تەرەڭدەتىپ جاتىر”، - دەپ جازدى Bloomberg.
مىسال رەتىندە جۇمانعارين قازاقستانعا 40% تيەسىلى تاۋ-كەن ءوندىرۋشى Eurasian Resources Group-تى كەلتىردى.
«رەسەيگە كەندەردىڭ كەيبىر تۇرلەرىن جەتكىزۋگە تىيىم سالىنعاننان كەيىن كومپانيا وراسان زور شىعىنعا ۇشىراي باستادى. سونىمەن بىرگە ونىڭ رەسەيدەگى بۇرىنعى ەڭ ءىرى كليەنتى ىشكى جەتكىزۋشىلەرگە اۋىستى، بۇل ءوز كەزەگىندە كىرىستى ارتتىردى. شەكتەۋلەر بولماعان جاعدايدا پايدا قازاقستاندا قالاتىن ەدى. ونىڭ ورنىنا ول ەندى سانكتسيا سالعان ادامدارعا بەرىلەدى»، — دەدى جۇمانعارين.
ايتا كەتەيىك، باتىس ەلدەرى ۋكرايناعا سوعىس باستالعاننان كەيىن رەسەيگە قارسى قاتاڭ سانكتسيالار سالدى. ەكسپورتتىق شەكتەۋلەر مەن ءىرى بانكتەر، كومپانيالارعا قارسى سانكتسيالاردان باسقا، باتىس رەسەي بانكىنىڭ 300 ميلليارد دوللار كولەمىندەگى اكتيۆتەرىن بۇعاتتادى. ماسكەۋ باتىس ەلدەرى سالعان سانكتسيالاردى زاڭسىز دەپ سانايدى جانە ولاردىڭ اسكەري وپەراتسيا بارىسىنا اسەر ەتپەيتىنىن اتاپ ءوتتى.
ال قازاقستان شەكتەۋلەرگە قوسىلمادى، بىراق رەسپۋبليكا پرەزيدەنتى قاسىم-جومارت توقاەۆ رەسەيگە قارسى سانكتسيالىق رەجيمدى «مىندەتتى تۇردە ۇستاناتىنىن» بىرنەشە رەت مالىمدەدى.
قازاقستان ەاەو ەلدەرىمەن ساۋدا جاساۋ كەزىندە تاۋارلارعا ىلەسپە جۇكقۇجاتتاردى رەسىمدەۋدى تالاپ ەتە باستادى. Financial Times حابارلاعانداي، بۇل شارا رەسەيگە قارسى سانكتسيالاردى اينالىپ ءوتۋدى جانە پاراللەل يمپورتتى شەكتەۋدى بولدىرماۋ ءۇشىن قابىلداندى.
