جاستار اراسىندا وتانعا دەگەن سۇيىسپەنشىلىكتى، اسكەري بورىشقا جاۋاپكەرشىلىكپەن قاراۋدى قالىپتاستىرۋ وتان الدىنداعى بورىشىن وتەۋگە جىبەرىلىپ جاتقان ازاماتتارعا قۇرمەت ءبىلدىرۋ ماقساتىندا ء«بىرتۇتاس ەل-ءبىرتۇتاس جەر» تاقىرىبىندا مەرزىمدى اسكەري قىزمەتكە سالتاناتتى تۇردە شىعارىپ سالۋ ءىس-شاراسى ۇيىمداستىرىلدى.
شارا ۇلىتاۋ وبلىسىنىڭ قوعامدىق دامۋ باسقارماسى، وبلىستىق قورعانىس ىستەرى دەپارتامەنتى جانە «TURAQTY DAMU» جاستار قوعامدىق بىرلەستىگىنىڭ ۇيىمداستىرۋىمەن ىسكە استى.
ۇلىتاۋ بويىنشا كۇزگى اسكەري ماۋسىمعا شاقىرۋ ناۋقانىنا 300 جاس مەرزىمدى اسكەري قىزمەتكە شاقىرۋ جوسپارلاندى. قازىرگى تاڭدا 46 جاس سارباز اسكەر قاتارىنا شاقىرتىلدى.
9 قازان كۇنى ۇلىتاۋ وبلىسىنىڭ 20 سارباز تالدىقورعان قالاسىندا ورنالاسقان دەسانتتىق شابۋىلدار اسكەرلەرى №18404 اسكەري بولىمىنە، 5 سارباز استانا قالاسىنداعى قر مەملەكەتتىك كۇزەت قىزمەتى №0112 بولىمىنە اتتاندى.
ءىس-شاراعا ۇلىتاۋ وبلىسىنىڭ جۇمىلدىرۋ دايىندىعى، اۋماقتىق جانە ازاماتتىق قورعانىس باسقارماسىباسشىسىنىڭ مىندەتىن اتقارۋشى دالاباەۆ قايرات ناريمانۇلى، قازاقستان رەسپۋبليكاسى قورعانىس مينيستىرلىگىنىڭ «ۇلىتاۋ وبلىسى قورعانىس ىستەر دەپارتامەنتى» باسشىسى، پودپولكوۆنيك جۇمانوۆ ەرجان نۇرتولەۋۇلى، ارداگەرلەر، اسكەر قاتارىنا الىناتىن 25 جاس سارباز جانە ولاردىڭ اتا-انالارى، قورعانىس ىستەرى دەپارتامەنتىنىڭ جەكە قۇرامى قاتىستى.
