قازاقستاندا زاپاستاعى وفيتسەرلەر ەكى جىل مەرزىمگە اسكەري قىزمەتكە شاقىرىلادى، دەپ حابارلايدى “ادىرنا” ۇلتتىق پورتالى.
قازاقستان ۇكىمەتى "زاپاستاعى وفيتسەرلەردى اسكەري قىزمەتكە شاقىرۋ تۋرالى" قاۋلى قابىلدادى.
"اسكەري قىزمەتكە جارامدى جانە ونى وتەمەگەن زاپاستاعى وفيتسەرلەر 2024 جىلى زاڭنامادا بەلگىلەنگەن تارتىپپەن 24 اي مەرزىمگە اسكەري قىزمەتكە وفيتسەرلىك لاۋازىمداردا اسكەري قىزمەت وتكەرۋگە شاقىرىلسىن", - دەلىنگەن قۇجاتتا.
قارۋلى كۇشتەر قاتارىنا 600 ادامدى، ۇلتتىق قاۋىپسىزدىك كوميتەتىنىڭ شەكارا قىزمەتىنە 80 ادامدى، ىشكى ىستەر مينيسترلىگىنىڭ ۇلتتىق ۇلانىنا 42 ادامدى، توتەنشە جاعدايلار مينيسترلىگىنە 30 ادامدى شاقىرۋ جوسپارلانۋدا. بارلىعى 752 ادام قىزمەتكە شاقىرىلادى.
قاۋلى 2024 جىلعى 9 اقپاندا كۇشىنە ەنەدى.
“ادىرنا” ۇلتتىق پورتالى
