“قايراتتىڭ” جاس شابۋىلشىسىنا اعىلشىن كلۋبى قىزىعۋشىلىق تانىتتى

الماتىلىق “قايرات” كومانداسىنىڭ 18 جاستاعى شابۋىلشىسىنا “كوۆەنتري” كلۋبى نازار اۋدارىپ وتىر، دەپ حابارلايدى "ادىرنا" ۇلتتىق پورتالى.

جاس ويىنشى ازامات تۇياقباەۆ ۋەفا جاستار ليگاسىندا پورتۋگاليانىڭ “سپورتينگ” كلۋبىنا قارسى وتكەن كەزدەسۋدە ەكى گول سوعىپ، دۋبل اۆتورى اتانعان.

وسىدان كەيىن وعان ۇلىبريتانيانىڭ “كوۆەنتري” كومانداسى قىزىعۋشىلىق بىلدىرگەن.

ازامات تۇياقباەۆ بيىلعى ماۋسىمدا قازاقستان چەمپيوناتىندا دا مەرگەندىگىمەن كوزگە ءتۇستى. جاقىندا وتكەن “قايرات” — “جەتىسۋ” ويىنىندا تاعى ءبىر گول سوعىپ، كومانداسىنا جەڭىس اكەلۋگە ۇلەس قوستى.

ايتا كەتەيىك، قازىرگى ۋاقىتتا “كوۆەنتري” كلۋبى انگليانىڭ چەمپيونشيپ تۋرنيرىندە 19 ۇپايمەن كوش باستاپ تۇر.