قىرعىزستاننىڭ وڭتۇستىگىندە بولعان جەر سىلكىنىسى سالدارىنان بىرنەشە وبلىستاردا عيماراتتارعا زاقىم كەلدى، دەپ حابارلايدى "ادىرنا" ۇلتتىق پورتالى.
6 قازان كۇنى ەلدە جەر ءدۇمپۋى سەزىلگەن.
جەرگىلىكتى باق مالىمەتىنشە، جالال-اباد جانە تالاس وبلىستارىنداعى بىرقاتار اۋىلداردا تۇرعىن ۇيلەر مەن الەۋمەتتىك نىساندارعا زاقىم كەلگەن.
ەلدىڭ توتەنشە جاعدايلار مينيسترلىگىنىڭ مالىمەتىنشە، تابيعي اپات سالدارىنان التى تۇرعىن ءۇيدىڭ، ءتورت مەكتەپتىڭ، ءبىر بالاباقشانىڭ جانە ەكى فەلدشەرلىك پۋنكتتىڭ قابىرعالارىندا جارىقتار پايدا بولعان.
ايتا كەتەيىك، 6 قازان كۇنى جەرگىلىكتى ۋاقىت بويىنشا تاڭعى ساعات 2:29-دا قىرعىزستاننىڭ وڭتۇستىگىندە كۇشى 6 بالدىق جەر سىلكىنىسى تىركەلگەن. قازاقستاننىڭ تاراز جانە شىمكەنت قالاسىنا دا سەزىلدى.
ۇقساس جاڭالىقتار
