ايدا بالاەۆا ءوزىنىڭ Facebook-تەگى پاراقشاسىندا ەلىمىزدە ەسكەرتكىش ورناتۋ ماسەلەسىنە قاتىستى جازبا جاريالادى.
ول نۇرعيسا تىلەنديەۆتىڭ 100 جىلدىعىنا وراي الماتى وبلىسى، وتەگەن باتىر اۋىلىندا ۇلى كومپوزيتورعا ارنالعان جاڭا ەسكەرتكىش پەن مادەنيەت ءۇيىنىڭ اشىلۋىنا توقتالىپ، بۇل شارانى حالقىمىزدىڭ ونەر مەن مادەنيەتكە دەگەن ەرەكشە قۇرمەتىنىڭ كورىنىسى دەپ باعالادى.
ءمينيستردىڭ ايتۋىنشا، نۇرعيسا تىلەنديەۆتىڭ ەسكەرتكىشى جوعارى كوركەمدىك تالعاممەن جاسالىپ، ۇلت رۋحىن ايشىقتايتىن ەرەكشە تۋىندىعا اينالعان.
سونىمەن قاتار ايدا بالاەۆا ەلدەگى ەسكەرتكىش ورناتۋ ىسىندە زاڭ بۇزۋشىلىقتاردىڭ ءجيى كەزدەسەتىنىن اتاپ ءوتتى. ونىڭ مالىمەتىنشە، سوڭعى بەس جىلدا قازاقستاننىڭ ون وڭىرىندە 49 ەسكەرتكىش زاڭ تالاپتارىن ساقتاماي ورناتىلعان. ەڭ كوپ زاڭسىز ەسكەرتكىشتەر تۇركىستان (17) جانە قوستاناي (15) وبلىستارىندا تىركەلگەن.
ء«تىپتى رەسپۋبليكالىق كوميسسيا قولداماعان جوبالار دا ءوز بەتىمەن ورناتىلىپ كەتكەن. كەيدە ەسكەرتكىشتەر جەكە مەنشىك اۋماقتارعا قويىلىپ، قوعامدىق كەڭىستىكتىڭ ەستەتيكالىق كەلبەتى ەسكەرىلمەي جاتادى. سوندىقتان ەسكەرتكىش ورناتۋ — تەك ىقىلاس پەن نيەت ەمەس، ەڭ الدىمەن ءتارتىپ پەن جاۋاپكەرشىلىك ەكەنىن ەسكەرۋ كەرەك»، — دەپ جازدى مينيستر.
ول دەمەۋشىلەر مەن مەتسەناتتاردى زاڭ تالاپتارىن ساقتاۋعا شاقىرىپ، جەرگىلىكتى اتقارۋشى ورگاندارعا بۇل باعىتتاعى باقىلاۋدى كۇشەيتۋدى تاپسىردى.
ءمينيستردىڭ ايتۋىنشا، قر «تاريحي-مادەني مۇرا وبەكتىلەرىن قورعاۋ جانە پايدالانۋ تۋرالى» زاڭىنا سايكەس، ءاربىر جاڭا ەسكەرتكىشتى ورناتۋ وبلىستار مەن قالالاردىڭ جەرگىلىكتى اتقارۋشى ورگاندارىنىڭ قۇزىرەتىنە جاتادى. مونۋمەنتالدى ونەر نىساندارىن ورناتۋ ءتارتىبى مينيسترلىك قاعيدالارىمەن رەتتەلەدى.
سونداي-اق ايدا بالاەۆا اكىمشىلىك قۇقىق بۇزۋشىلىق تۋرالى كودەكستە ەرەجەنى بۇزعاندارعا ايىپپۇل قاراستىرىلعانىن ەسكە سالدى:
جەكە تۇلعالارعا – 10 اەك،
لاۋازىمدى جانە شاعىن بيزنەس وكىلدەرىنە – 50 اەك،
ورتا بيزنەس سۋبەكتىلەرىنە – 100 اەك،
ءىرى كاسىپكەرلىك سۋبەكتىلەرىنە – 250 اەك كولەمىندە ايىپپۇل سالىنادى،
سونداي-اق جۇمىستاردى ۋاقىتشا توقتاتۋ شاراسى قولدانىلادى.
«تاريحقا ادالدىق تارتىپتەن باستالادى. ەسكەرتكىش — بۇل وتكەنگە قۇرمەت بەلگىسى عانا ەمەس، كەلەر ۇرپاققا دەگەن ورتاق اماناتىمىز»، - دەپ تۇيىندەدى مينيستر.
