قر مادەنيەت جانە اقپارات ءمينيسترى ايدا بالاەۆا قوجا احمەت ياسساۋي كەسەنەسىنىڭ جوندەۋ قۇرىلىسىنا قاتىستى پىكىر ايتتى، دەپ حابارلايدى «ادىرنا» ۇلتتىق پورتالى.
ەستەرىڭىزدە بولسا، ۇلتتىق قاۋىپسىزدىك كوميتەتى تۇركىستانداعى قوجا احمەت ياسساۋي كەسەنەسىندە قولدان جاسالعان جارىلعىش زاتتى جارىپ جىبەرگىسى كەلگەندەردىڭ ارەكەتى انىقتالعانىن مالىمدەگەن ەدى. ال ءمينيستردىڭ سوزىنشە، نىسان تولىق باقىلاۋدا.«نىسان تولىق باقىلاۋدا. قايتارىمسىز بولاتىنداي سەبەپ جوق. قازىرگى ۋاقىتتا كەسەنەنەنىڭ جالپى جاعدايىنا اسەر ەتەتىن ىقتيمال فاكتىلەردى زەرتتەۋ جۇمىستارى جۇرگىزىلىپ جاتىر» - دەيدى ايدا بالاەۆا.سونداي-اق كەسەنەنىڭ بولاشاققا بۇلىنبەي جەتۋى جولىندا تولىققاندى جاعداي جاسالاتىنىن جەتكىزدى.
«بۇل جۇمىس جۇيەلى تۇردە بيىل دا، الداعى جىلدارى دا جاسالاتىن ءتورت ماۋسىمدى قامتيتىن كوپجاقتى جۇمىس. ونىڭ جەر، سۋ جاعدايى، اۋا اينالىمى، باسقا دا جالپى قۇرىلىمىنا اسەر ەتەتىن فاكتىلەرگە جەتكىلىكتى نازار اۋدارىپ، قاجەت بولسا كەز كەلگەن وزگەرىستەرگە شارا قابىلداپ وتىرامىز. بۇل جۇمىستاردىڭ ناتيجەسىمەن بيىل جازدا تۇركىستانعا ارنايى مەملەكەتتىك كەڭەسشىسىمەن بىرگە كەلگەن يۋنەسكو-نىڭ باس ديرەكتورى ودري ازۋلە حانىم دا مۇقيات تانىستى. ارينە، ءبىز مۇنداي جۇمىستى يۋنەسكو-نىڭ بۇكىلالەمدىك مۇرا تىزىمىنە ەنگەن باسقا دا ون وبەكتىلەردى دە قولعا الىپ جاسايتىن بولامىز. ويتكەنى ۇلتتىڭ وسىناۋ رۋحاني-تاريحي مۇراسىن كەلەشەككە بۇلدىرمەي امان جەتكىزۋ پەرزەنتتىك پارىزىمىز»، - دەپ اتاپ ءوتتى مينيستر.
«ادىرنا» ۇلتتىق پورتالى
ۇقساس جاڭالىقتار
