قىرعىزستانداعى جەر سىلكىنىسى تاراز بەن شىمكەنتتە سەزىلدى

توتەنشە جاعدايلار مينيسترلىگىنىڭ «ننتسسني» جشس سەيسميكالىق ستانتسيالار جەلىسى 6 قازان كۇنى استانا ۋاقىتىمەن 01:29-دا جەر سىلكىنىسىن تىركەدى، دەپ حابارلايدى "ادىرنا" ۇلتتىق پورتالى.

جەر سىلكىنىسىنىڭ ەپيتسەنترى قىرعىزستان اۋماعىندا، الماتىدان وڭتۇستىك-باتىسقا قاراي 465 شاقىرىم قاشىقتىقتا ورنالاسقان. وشاقتىڭ تەرەڭدىگى – 10 شاقىرىم، ەنەرگەتيكالىق كلاسى – 13,3, ماگنيتۋداسى – MPV 5,9.

MSK-64 شكالاسى بويىنشا قازاقستان اۋماعىندا جەر سىلكىنىسى 4 باللعا دەيىن سەزىلگەن.

تاراز، سارىكەمەر جانە جۋالى اۋدانىنىڭ (باۋىرجان مومىشۇلى اۋىلى) ماڭىندا – 4 باللعا دەيىن;

لەنگەر، قاراتاۋ، سايرام جانە شىمكەنت قالالارىندا – شامامەن 3 بالل;

جاناتاس، سارىاعاش، تۇركىستان جانە جەتىساي اۋداندارىندا – شامامەن 2 بالل بولدى.

قيراۋ مەن زارداپ شەككەندەر تۋرالى اقپارات جوق.