شەشەنستان باسشىسى رامزان قادىروۆقا ەكىنشى رەت شەشەن رەسپۋبليكاسىنىڭ باتىرى اتاعى بەرىلدى. بۇل جونىندە تاسس اگەنتتىگى جازدى، دەپ حابارلايدى “ادىرنا”.
اقپاراتقا سايكەس، «شەشەن رەسپۋبليكاسىنىڭ باتىرىنىڭ التىن جۇلدىزى» مەدالىن وعان رەسپۋبليكا باسشىسىنىڭ مىندەتىن اتقارۋشى ماگومەد داۋدوۆ تابىستادى.
داۋدوۆتىڭ ايتۋىنشا، بۇل اتاقتى بەرۋ تۋرالى ۇسىنىستى احمات-حادجي كومانداسىنىڭ بارلىق مۇشەلەرى ورتاق پىكىرمەن جاساعان.
جارلىققا سايكەس، قادىروۆ بۇل جوعارى ماراپاتقا ەل الدىنداعى ەرەكشە ەڭبەگى، حالقىنا ادالدىعى، جەكە باتىرلىعى مەن مەملەكەتتىك جانە قوعامدىق ىستەردەگى كوپجىلدىق جانقيارلىق قىزمەتى ءۇشىن، سونداي-اق شەشەنستاننىڭ الەۋمەتتىك-ەكونوميكالىق الەۋەتىن دامىتۋ مەن نىعايتۋعا قوسقان ۇلەسى ءۇشىن لايىق دەپ تانىلعان.
ايتا كەتەيىك، قادىروۆ بۇل اتاقتى العاش رەت 2023 جىلى العان بولاتىن. بۇل جولعى ماراپات وعان تۋعان كۇنى قۇرمەتىنە بەرىلگەنى ايتىلادى. ول 1976 جىلى 5 قازاندا دۇنيەگە كەلگەن بولاتىن.
