Almatyda merzımdı äskeri qyzmet atqaryp jürgen sarbaz köpqabatty üiden sekırıp ketken, dep habarlaidy "Adyrna" ūlttyq portaly.
Ol aman qalyp, auruhanaǧa jetkızıldı,
Qazaqstan Respublikasy Ūlttyq ūlanynyŋ «Oŋtüstık» öŋırlık qolbasşylyǧynyŋ baspasöz qyzmetı mälımetınşe, №5571 äskeri bölımınıŋ sarbazy qatty küizelıske tüsken.
«2025 jylǧy 4 qazanda zardap şekken sarbaz Almaty qalasyndaǧy jedel järdem auruhanasyna jetkızıldı. Qazır oǧan qajettı medisinalyq kömek körsetılıp jatyr. Äskeri qyzmet kezınde därıgerler sarbazǧa “beiımdelu būzylysy” diagnozyn qoiǧan. Ol äskerge şaqyrylmas būryn jaqyn tuysyn joǧaltqan jäne äskeri-därıgerlık komissiianyŋ (ÄDK) şeşımın kütıp jürgen», – delıngen vedomstvo habarlamasynda.
Ūlttyq ūlan ökılderı beinebaqylau kameralaryndaǧy jazbalardan böten adamdardyŋ aralasuy bolmaǧanyn rastady.
Qazırgı uaqytta oqiǧanyŋ män-jaiyn anyqtau üşın qyzmettık tekserıs taǧaiyndaldy.
