قازاقستانداعى ەكىنشى اەس تە الماتى وبلىسىندا سالىنباق. بۇل تۋرالى بۇگىن، 1 قازاندا اتوم ەنەرگياسى جونىندەگى اگەنتتىكتىڭ توراعاسى الماسادام ساتقاليەۆ ايتتى، دەپ حابارلايدى «ادىرنا» ءتىلشىسى.
ول بۇل شەشىمگە ايماقتاعى ەلەكتر ەنەرگياسىنىڭ تاپشىلىعى سەبەپ بولعانىن مالىمدەدى.
«اەس قۇرىلىسى ءۇشىن كەلەسى ورىن رەتىندە الماتى وبلىسىنداعى جامبىل اۋدانى بەلگىلەندى. ياعني، ەكىنشى ستانتسيا دا ەلىمىزدىڭ وڭتۇستىگىندە بولادى. سەبەبى بۇل ايماقتا ەلەكتر ەنەرگياسى تاپشى»،–دەدى توراعا.
الماسادام ساتقاليەۆتىڭ ايتۋىنشا، ەكىنشى اەس-ءتى قانداي كومپانيا سالاتىنى ازىرگە بەلگىسىز. قازىرگى تاڭدا كونكۋرس قاتىسۋشىلارىمەن كەلىسسوز جۇرگىزىلىپ جاتىر.
«قىتايدىڭ CNNC كومپانياسى دەپ تۇپكىلىكتى تاڭداۋ جاسالعان جوق، بىراق ءبىز ونى اەس سالۋعا باسىم مۇمكىندىگى بار مەردىگەر دەپ سانايمىز»،– دەپ تولىقتىردى ول.
