30 قىركۇيەكتە فيليپپيندە 6,9 بالدىق جەر سىلكىنىسى بولدى. ەلدىڭ ازاماتتىق قورعانىس باسقارماسى اپات سالدارىنان 60 ادامنىڭ قازا تاپقانىن مالىمدەدى، دەپ حابارلايدى «ادىرنا» ءتىلشىسى CNN تەلەارناسىنا سىلتەمە جاساپ.
«بىزگە 60 ادامنىڭ قازا تاپقانى جونىندە حابار كەلدى»، – دەدى باسقارما باسشىسىنىڭ مىندەتىن اتقارۋشى رافاەليتو الەحاندرو IV.
اقش گەولوگيالىق قىزمەتىنىڭ (USGS) دەرەكتەرىنە سايكەس، جەر سىلكىنىسى جەرگىلىكتى ۋاقىت بويىنشا ساعات 22:00-دە (استانا ۋاقىتىمەن 19:00) تىركەلگەن. ەپيتسەنترى ءفيليپپيننىڭ ورتالىعىنداعى ۆيساي ارالدارىنىڭ سەبۋ قالاسىندا ورنالاسقان. ەكى ساعاتتان سوڭ ليبەرتاد قالاسىندا ماگنيتۋداسى 5,0 بولاتىن قايتالاما جەر سىلكىنىسى تىركەلگەن.
بۇعان دەيىن GMA News تەلەارناسى پروۆينتسيا جاعالاۋىندا بولعان جەر سىلكىنىسىنەن قازا تاپقاندار سانى 26-عا جەتكەنىن، 147 ادامنىڭ جاراقات العانىن حابارلاعان ەدى. سونىمەن قاتار بىرقاتار عيمارات قيراپ، مەكتەپتەر ەۆاكۋاتسيالانعان، ال ساۋدا كەشەندەرىنىڭ بىرىندە ءورت شىققانى ايتىلدى.
