23 اقپاندا ەلىمىزدىڭ بارلىق وڭىرىندە جوسپارلى سەيسميكالىق جاتتىعۋلار وتكىزىلەدى. بۇل تۋرالى توتەنشە جاعدايلار مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
سەيسميكالىق جاتتىعۋلار وتەتىن كۇنى حالىقتى حاباردار ەتۋ جۇيەسى ىسكە قوسىلادى.
"سەيسميكالىق جاتتىعۋلاردىڭ نەگىزگى ماقساتى – جەر سىلكىنىسى قاۋپى مەن ورىن الۋى كەزىندەگى ءىس-ارەكەتكە حالىقتىڭ دايىندىق دەڭگەيىن ارتتىرۋ", - دەپ جازىلعان ۆەدومستۆو حابارلاماسىندا.
تجم حالىققا ەسكەرتۋگە قۇلاق اسىپ، سەيسميكالىق جاتتىعۋلارعا بەلسەندى قاتىسۋعا كەڭەس بەردى.
ايتا كەتەيىك، 23 قاڭتارعا قاراعان ءتۇنى الماتىدا 5 بالدىق جەر سىلكىنىسى بولعان ەدى. ءزىلزالا وشاعى قىتاي مەن قىرعىزستان شەكاراسىندا ورنالاستى، بىراق مەگاپوليس پەن قازاقستاننىڭ باسقا قالالارىندا دا دۇربەلەڭ تۋدىردى.
