ۋكراينا قاۋىپسىزدىك قىزمەتى رەسەيدىڭ «روساتوم» مەملەكەتتىك كورپوراتسياسىنىڭ باس ديرەكتورى الەكسەي ليحاچەۆتى ىزدەۋ جاريالادى، دەپ حابارلايدى "ادىرنا" ۇلتتىق پورتالى تاسس-قا سىلتەپ.
مالىمەتكە سايكەس، ليحاچەۆ 2024 جىلى ىزدەۋگە بەرىلگەن. وعان ۋكراينانىڭ ەگەمەندىگى مەن اۋماقتىق تۇتاستىعىنا قول سۇقتى دەگەن ايىپ تاعىلىپ وتىر.
ايتا كەتسەك، 2022 جىلدان بەرى ليحاچەۆتىڭ ەسىمى ۋكرايناداعى «ميروتۆورەتس» سايتىنىڭ دەرەكتەر بازاسىندا كورسەتىلگەن.
ۋقك رەسەيلىك ساياساتكەرلەرگە، اسكەريلەرگە، مادەنيەت جانە قوعام قايراتكەرلەرىنە سىرتتاي ايىپ تاعىپ كەلەدى. سونىمەن قاتار ۋكراينا پرەزيدەنتى ۆلاديمير زەلەنسكي رەسەيدىڭ جەكە جانە زاڭدى تۇلعالارىنا، ماسكەۋمەن بايلانىسى بار دەپ تانىلعان وزگە ەل ازاماتتارىنا قارسى سانكتسيالار ەنگىزۋ جونىندە بىرقاتار جارلىقتارعا قول قويعان.
