وڭتۇستىك وسەتيانىڭ رەسەيگە قوسىلۋىنا قاتىستى رەفەرەندۋم وتپەك. بۇل ماسەلە تۋرالى ءوز-ءوزىن تاۋەلسىز دەپ جاريالاعان رەسپۋبليكانىڭ پرەزيدەنتى اناتولي بيبيلوۆ مالىمدەدى، دەپ حابارلايدى “ادىرنا” ۇلتتىق پورتالى.
ول رەفەرەندۋم وتكىزۋ ءۇشىن بارلىق قۇجاتتار جينالىپ، تاپسىرىلعانىن مالىمدەدى.
“رەفەرەندۋم بولادى. وسك مۇنىڭ ءبارىن قاراستىرىپ، سودان كەيىن جوعارعى سوتقا جولداپ، رەفەرەندۋم وتكىزەتىن كۇندى انىقتاۋى كەرەك”، – دەدى وڭتۇستىك وسەتيانىڭ پرەزيدەنتى اناتولي بيبيلوۆ.
بۇعان دەيىن وڭتۇستىك وسەتيادا پرەزيدەنتتىك سايلاۋ وتكەن سوڭ ءبىراز ۋاقىتتان كەيىن ءوز-ءوزىن ەگەمەن دەپ جاريالاعان رەسپۋبليكانىڭ رەسەيمەن بىرىگۋى بويىنشا رەفەرەندۋم وتكىزۋ جوسپارلانعانىن ايتقان. بيبيلوۆ بۇل بىرىگۋدى وڭتۇستىك وسەتيا حالقىنىڭ «ستراتەگيالىق ماقساتى» دەپ اتادى.
”ادىرنا” ۇلتتىق پورتالى
