التاي رەسپۋبليكاسىندا بەلگىلى قوعامدىق بەلسەندى ارۋنا ارناعا سوت شەشىمىمەن ۆوكزالدار مەن اۋەجايلارعا بارۋعا، ميتينگىلەر مەن قوعامدىق ءىس-شارالارعا قاتىسۋعا، ينتەرنەت پەن تەلەفوندى پايدالانۋعا، سونداي-اق الەۋمەتتىك جەلىلەردى جۇرگىزۋگە تىيىم سالىندى. بۇل تۋرالى «گولوس التايا» جانە «گولوس روسسي» اقپارات كوزدەرى جازدى، دەپ حابارلايدى “ادىرنا”.
بۇعان دەيىن ارۋنانىڭ تۋىستارى ونىڭ بۇلتارتپاۋ شاراسىن تاڭداۋ ءۇشىن سوتقا جەتكىزىلگەنىن كەزدەيسوق بىلگەنى حابارلانعان.
«بۇدان ەشكىم حابارسىز ەدى، ءبىز ەشقانداي قۇجاتتار ۇسىنعان جوقپىز، ادۆوكاتقا دا بەرىپ ۇلگەرمەدىك»، – دەيدى تۋىستارى.
ارۋنا ارنا — رەسەيدە تىيىم سالىنعان «ۆوليا» پارتياسىنىڭ جەتەكشىسى سۆەتلانا لادا-رۋستىڭ جاقتاسى. ول التايداعى قورعالاتىن ايماقتارعا كۋرورت سالۋعا قارسى كۇرەسىمەن تانىمال. الەۋمەتتىك جەلىلەردەگى جازبالارى ءۇشىن بىرنەشە رەت ايىپپۇل سالىنعان، ونىڭ ىشىندە ءپۋتيننىڭ سىڭارلارى مەن رەسەي قالالارىن بومبالاۋ جايلى جازبالارى ءۇشىن دە.
ول التاي رەسپۋبليكاسىندا گۋبەرناتور اندرەي تۋرچاكتىڭ كومانداسى جۇرگىزىپ جاتقان مۋنيتسيپالدىق رەفورمالارعا قارسى نارازىلىقتاردىڭ بەلسەندى قاتىسۋشىسى. تامىز ايىنىڭ سوڭىندا ارۋنا تەرروريستەر تىزىمىنە ەنگىزىلگەن.
وعان دەيىن قۇقىق قورعاۋ ورىندارى ارۋنانىڭ ۇيىنە ءتىنتۋ جۇرگىزگەن.
