ەلوردادا العاش رەت امەريكاندىق زاڭگەرلەر قاۋىمداستىعى ورتالىق ازيا حالىقارالىق قۇقىق مەكتەبى «Jessup Summer School» ءوتىپ جاتىر

3181
Adyrna.kz Telegram

ورتالىق ازيادا العاش رەت USAID, امەريكاندىق زاڭگەرلەر قاۋىمداستىعى – The American Bar Associaon Rule of Law Iniave جانە Kinstellar زاڭ فيرماسىنىڭ قولداۋىمەن قازاقستان، وزبەكستان جانە قىرعىزستانداعى زاڭ ۋنيۆەرسيتەتتەر ستۋدەنتتەرى ءۇشىن «Jessup Summer School» حالىقارالىق قۇقىقتىڭ جازعى مەكتەبى ءوتىپ جاتىر.

ايزەرەك، قىرعىزستاننان كەلگەن قاتىسۋشى، ورتالىق ازياداعى امەريكا ۋنيۆەرسيتەتىنىڭ 3 كۋرس ستۋدەنتى: «وسى جەرگە مەن قىرعىزستان كومانداسىمەن جازعى مەكتەپكە قاتىسۋ ءۇشىن كەلدىم. بۇل العاشقى تاجىريبەم بولماق، جالپى حالىقارالىق جاريا قۇقىق سالاسىنداعى ءبىلىمىمدى ارتتىرامىن دەپ ويلايمىن، سەبەبى وسى جازعى مەكتەپ ماعان بولاشاقتا ادام قۇقىقتارى سالاسىندا جۇمىس ىستەۋگە كومەكتەسەدى. نەگىزى زاڭ سالاسىنداعى ءبىلىمدى كەڭەيتەتىن – حالىقارالىق جاريا قۇقىق دەپ ويلايمىن. كەشەدەن بەرى مەن ءۇشىن وتە پايدالى دارىستەر بولدى».

سوڭعى جىلدارى ورتالىق ازيا ەلدەرىندە Jessup حالىقارالىق قۇقىق بايقاۋىنىڭ ۇلتتىق تۋرلارى قايتا جالعاسىن تاپتى. اتالمىش بايقاۋ ارقىلى ۆاشينگتونداعى حالىقارالىق تۋرلارعا قاتىساتىن ۋنيۆەرسيتەتتەردىڭ ءتىزىمى انىقتالادى. Jessup – 100 ەل مەن يۋريسديكتسياداعى 700-گە جۋىق زاڭ مەكتەبىنىڭ وتىنىشتەرى قامتىلعان الەمدەگى ەڭ ءىرى سوت جارىسى. بايقاۋ كورىنىسى – بىرىككەن ۇلتتار ۇيىمىنىڭ سوت ورگانى مەن حالىقارالىق سوتتاعى ەلدەر اراسىنداعى ويدان قۇراستىرىلعان داۋدى مودەلدەۋ. بايقاۋعا دايىندالۋ بارىسىندا ستۋدەنتتەر حالىقارالىق جاريا قۇقىق بويىنشا تەرەڭدەتىلگەن ءبىلىم الا وتىرىپ، زاڭگەرلىك زەرتتەۋ، زاڭ تىلىندە جازۋ، شەشەندىك ونەر داعدىلارىن ايتارلىقتاي جەتىلدىرەدى.

جازعى مەكتەپتىڭ نەگىزگى ماقساتتارى – ورتالىق ازيا ەلدەرىنىڭ ستۋدەنتتەرىن Jessup اتىنداعى حالىقارالىق قۇقىق بويىنشا كونكۋرسقا قاتىسۋعا دايىنداۋ، ۋنيۆەرسيتەتارالىق جانە ستۋدەنتتەر اراسىنداعى قارىم-قاتىناستى نىعايتۋ، سونداي-اق ورتالىق ازيا ەلدەرىندە حالىقارالىق جاريا قۇقىقتى كەڭىنەن ناسيحات ەتۋ.

 

 

پىكىرلەر