2025 جىلدىڭ قىركۇيەك ايىندا ستەنفورد ۋنيۆەرسيتەتىندە «عىلىمي زەرتتەۋلەر جانە كوممۋنيكاتسيا» تاقىرىبىندا عىلىمي سەمينار ءوتتى. ءىس-شاراعا دەۆيس ۋنيۆەرسيتەتىندە «عىلىمي تاعىلىمدامالار» باعدارلاماسى بويىنشا تاعىلىمنامادان ءوتىپ جاتقان عالىمدار جانە ستەنفورد ۋنيۆەرسيتەتتىڭ پروفەسسورلارى، زەرتتەۋشىلەرى جانە ستۋدەنتتەرى قاتىستى. سەميناردىڭ باستى ماقساتى — عىلىمي زەرتتەۋ ناتيجەلەرىن كوپشىلىككە ءتيىمدى جەتكىزۋدىڭ ادىستەرىن تالقىلاۋ جانە جاس عالىمداردىڭ تاجىريبە الماسۋىنا مۇمكىندىك بەرۋ بولدى.
سەمينار بارىسىندا ەكى اسپيرانت وزدەرىنىڭ دوكتورلىق ديسسەرتاتسيالارى بويىنشا زەرتتەۋ باعىتتارىن تانىستىردى. ولار ءوز جوبالارىنىڭ تەوريالىق نەگىزىن، قولدانعان ادىستەرىن جانە زەرتتەۋ بارىسىندا كەزدەسكەن عىلىمي ماسەلەلەردى باياندادى. اسىرەسە عىلىمي دەرەكتەردى تالداۋ تاسىلدەرى مەن ناتيجەلەردى قۇرىلىمدى تۇردە جەتكىزۋدىڭ جولدارى كەڭىنەن ءسوز بولدى.
تىڭداۋشىلار بەلسەندىلىك تانىتىپ، بايانداماشىلارعا ءتۇرلى سۇراقتار قويدى. سۇراق-جاۋاپ سەسسياسىندا زەرتتەۋشىلەر ءوز يدەيالارىن قورعاپ قانا قويماي، پىكىرتالاس جۇرگىزۋ ارقىلى اۋديتورياعا ويلارىن ناقتى ءارى سەنىمدى جەتكىزدى. بۇل تاجىريبە جاس عالىمداردىڭ عىلىمي ورتادا پىكىر الماسۋ مادەنيەتىن دامىتۋىنا ىقپال ەتەتىنى ءسوزسىز.
سەميناردىڭ تاعى ءبىر ماڭىزدى قىرى – عىلىمي كوممۋنيكاتسيانىڭ ءرولى ەرەكشە اتالدى. قاتىسۋشىلار عىلىمي ناتيجەنى تەك جازباشا تۇردە ەمەس، اۋىزشا بايانداۋ ارقىلى دا كاسىبي دەڭگەيدە ۇسىنۋدىڭ ماڭىزدىلىعىن اتاپ ءوتتى. عىلىمي كوممۋنيكاتسيانىڭ نەگىزگى مىندەتى – كۇردەلى يدەيالاردى اۋديتورياعا تۇسىنىكتى ءارى اسەرلى ەتىپ جەتكىزۋ ەكەندىگى ايقىن كورسەتىلدى.
ستەنفورد ۋنيۆەرسيتەتىندەگى بۇل سەمينار عىلىمي قاۋىمداستىق ءۇشىن تاجىريبە الماسۋدىڭ قۇندى الاڭى بولدى. جاس زەرتتەۋشىلەر ءۇشىن مۇنداي ءىس-شارالار كاسىبي دامۋعا سەرپىن بەرىپ، عىلىمي ويدى ەركىن جەتكىزۋ قابىلەتىن ارتتىرۋعا مۇمكىندىك جاسايدى. تىڭداۋشىلاردىڭ بەلسەندىلىگى مەن پىكىرتالاس مادەنيەتى عىلىمي ورتانىڭ دامۋىنا وڭ ىقپال ەتەتىندىگى انىق بايقالدى.
كۋرمانباەۆا ا.ا.
دەۆيس ۋنيۆەرسيتەتى
كاليفورنيا شتاتى
«بولاشاق» باعدارلاماسى
«500 عالىم» تاعىلىمناما
جوباسى بويىنشا
