ريمدە اباي قۇنانبايۇلىنىڭ ءبيۋستى اشىلدى، دەپ حابارلايدى "ادىرنا" ۇلتتىق پورتالى.
ۆيللا گراتسيولي ساياباعىندا قازاق حالقىنىڭ ۇلى اقىنى جانە ويشىلى اباي قۇنانبايۇلىنىڭ ءبيۋستى سالتاناتتى تۇردە اشىلدى.
ءىس-شاراعا قر مادەنيەت جانە اقپارات ءمينيسترى ايدا بالاەۆا، قازاقستاننىڭ يتالياداعى توتەنشە جانە وكىلەتتى ەلشىسى ەربولات سەمباەۆ پەن يتاليانىڭ مادەنيەت جانە زيالى قاۋىم وكىلدەرى قاتىستى.
سالتاناتتى جيىندا ءسوز سويلەگەن ايدا بالاەۆا اباي قۇنانبايۇلىنىڭ مۇراسى قازاق حالقىنىڭ رۋحاني دامۋى مەن ادامزاتتىق قۇندىلىقتارعا ۇندەيتىن كەمەل جولباسشى ەكەنىن اتاپ ءوتتى.
«ابايدىڭ شىعارمالارىنداعى باستى يدەيا – ادامگەرشىلىك، ادىلدىك، ءبىلىم مەن ەڭبەك ارقىلى ىزگىلىككە ۇندەۋ. ريم قالاسىندا اباي بەينەسىنىڭ ورناتىلۋى – مادەنيەتتەر مەن وركەنيەتتەر اراسىنداعى رۋحاني كوپىردىڭ بەلگىسى»، – دەدى مينيستر.
سونداي-اق مينيستر ەكى ەل اراسىنداعى ىنتىماقتاستىقتىڭ سوڭعى جىلدارى ەرەكشە سەرپىن العانىن اتاپ ءوتتى.
