ماڭعىستاۋ وبلىستىق سوتىنىڭ قىلمىستىق ىستەر جونىندەگى سوت القاسى ەربولات ابدىروۆكە قاتىستى ءىستى اپەللياتسيالىق تارتىپپەن قايتا قارادى، دەپ حابارلايدى "ادىرنا" ۇلتتىق پورتالى.
سوت القاسىنىڭ مالىمەتىنشە، 2025 جىلدىڭ 27 تامىزىندا ساعات 23:00-دە ءابدىروۆ الماتى–استانا باعىتىنداعى كس-955 رەيسىنىڭ جولاۋشىلارىنا قورلاپ تيىسكەن. ونىڭ قوعامدىق ءتارتىپتى بۇزعانى حاتتامالارمەن، كۋاگەرلەردىڭ ايعاقتارىمەن جانە پوليتسيا قىزمەتكەرلەرىنىڭ باياناتتارىمەن دالەلدەنگەن.
اپەللياتسيالىق قاراۋ ناتيجەسىندە ءبىرىنشى ساتىداعى سوتتىڭ «كىناسىز» دەگەن شەشىمى زاڭسىز ءارى نەگىزسىز دەپ تانىلدى. سوت ءىستىڭ دالەلدەمەلەرىن تولىق كولەمدە زەرتتەمەگەنى جانە ءتيىستى قۇقىقتىق باعا بەرمەگەنى اتاپ ءوتىلدى.
ءابدىروۆ اكىمشىلىك قۇقىق بۇزۋشىلىق تۋرالى كودەكستىڭ 434-بابى 1-بولىگى («ۇساق بۇزاقىلىق») بويىنشا كىنالى دەپ تانىلىپ، وعان 78 640 تەڭگە كولەمىندە ايىپپۇل سالىندى.
سوت قاۋلىسى زاڭدى كۇشىنە ەندى.
ەسكە سالا كەتەيىك، بۇعان دەيىن اقتاۋ قالاسىنىڭ پروكۋرورى، اعا ادىلەت كەڭەسشىسى ەربولات ءابدىروۆ الماتى اۋەجايىندا ۇستالدى دەگەن اقپارات تاراعان ەدى.
