الماتىدا ءال-فارابي داڭعىلىندا ءۇش ادامنىڭ ولىمىنە اكەلگەن جول اپاتىنا قاتىستى ءىس بويىنشا سوت ءجارىسسوزى باستالدى. مەملەكەتتىك ايىپتاۋشى الەكساندر پاكتى 10 جىلعا باس بوستاندىعىنان ايىرۋدى سۇرادى، دەپ حابارلايدى "ادىرنا".
ەسكە سالايىق، 2026 جىلعى 21 ناۋرىزعا قاراعان ءتۇنى ءال-فارابي داڭعىلىندا بولعان جول اپاتى سالدارىنان ءۇش ادام قازا تاپقان. ولار – ەلامان قايىرجانۇلى (1996 ج.ت.), قۇمار تەڭەلباەۆا (2003 ج.ت.) جانە توميريس قىدىربەك (2005 ج.ت.).
سوت وتىرىسىندا الەكساندر پاك ءوز كىناسىن مويىنداپ، مارقۇمداردىڭ جاقىندارىنان كەشىرىم سۇرادى. سونداي-اق بوستاندىققا شىققاننان كەيىن دە زارداپ شەككەن وتباسىلارعا قولداۋ كورسەتۋگە دايىن ەكەنىن ايتتى.
جابىرلەنۋشى تاراپ سوتتالۋشىنى باس بوستاندىعىنان ايىرماۋدى سۇراپ، وعان كەشىرىم بەرگەنىن مالىمدەدى.
سوت تەرگەۋى بارىسىندا قىلمىستىق ىسكە مارقۇم توميريس قىدىربەكتىڭ اكەسى رۇستەمبەك شاتەنوۆ جابىرلەنۋشى رەتىندە تارتىلدى.
