سالتانات نۇكەنوۆا بىرنەشە رەت بيشىمباەۆتان كەتۋگە تىرىسقان. بۇل تۋرالى استانا قالاسى قىلمىستىق ىستەر جونىندەگى مامانداندىرىلعان اۋدانارالىق سوتىندا پروكۋرور ايجان ايماعانوۆا مالىمدەدى، دەپ حابارلايدى “ادىرنا” ۇلتتىق پورتالى.
ونىڭ ايتۋىنشا، سالتانات نۇكەنوۆا بيشىمباەۆتان بىرنەشە رەت كەتۋگە تىرىسقان، الايدا بيشىمباەۆ تۇزەلەتىنىن ايتىپ سەندىرگەن.
«2023 جىلدىڭ 25 ناۋرىزىندا نۇكەنوۆا بيشىمباەۆتىڭ وعان كەلتىرگەن دەنە جاراقاتىن ۇيالى تەلەفونىنا فوتوعا ءتۇسىرىپ، اعاسىنا جولداعان. الايدا ەشقانداي ارەكەتكە بارماۋىن سۇراعان. سودان كەيىن اعاسى نۇكەنوۆادان اجىراسۋدى سۇراعان. الايدا نۇكەنوۆا بيشىمباەۆ تاراپىنان جاقسى قارىم-قاتىناستىڭ قالىپتاسىپ كەلە جاتقانىن ايتىپ، باس تارتقان»، - دەيدى پروكۋرور سوت وتىرىسىندا.
ەسكە سالايىق، بۇگىن استانادا ەكس-مينيستر بيشىمباەۆقا قاتىستى سوت وتىرىسى ءوتتى. سوت وتىرىسى بارىسىندا ەكس-مينيستر سالتانات نۇكەنوۆانى پورنوگرافيالىق ۆيدەوعا تۇسۋگە ماجبۇرلەگەنى بەلگىلى بولدى. بىرنەشە باپ بويىنشا ايىپ تاعىلعانىمەن قۋاندىق بيشىمباەۆ قىلمىستى مويىندامايتىنىن ايتىپ، سوتتىڭ اشىق بولۋىن سۇرادى.
