بۇگىن، 2025 جىلعى 12 قىركۇيەكتە، قازاقستان قورعانىس مينيسترلىگىنىڭ (قم) ءباسپاسوز قىزمەتى ماڭىزدى اقپاراتتىق حابارلاما تاراتتى، دەپ حابارلايدى "ادىرنا".
قر قورعانىس ۆەدومستۆوسىنىڭ Telegram-كانالىنا سايكەس:
قر قارۋلى كۇشتەرى قۇرلىق اسكەرلەرىنىڭ جاۋىنگەرلىك دايارلىق باعدارلاماسى شەڭبەرىندە ماڭعىستاۋ وبلىسىندا "باتىس" جانە "شىعىس" وڭىرلىك قولباسشىلىقتارى اسكەرلەرىنىڭ قاتىسۋىمەن "ايبالتا-2025" ەكىجاقتى جەدەل-تاكتيكالىق كوماندالىق-شتابتىق وقۋ-جاتتىعۋى وتەدى. دايىندىق بارىسىندا وسى جىلدىڭ 12 قىركۇيەگىنەن باستاپ بىرقاتار وبلىستاردىڭ اۋماعىنان كۇش-قۇرالداردىڭ قوزعالىسى قاراستىرىلعان. بولىمشەلەر (جەكە قۇرام جانە اسكەري تەحنيكا) ارالاس تاسىلمەن – تەمىر جول جانە اۆتوكولىكپەن ءجۇرىپ وتەدى، سودان كەيىن تۇراقتى ورنالاسقان پۋنكتتەرىنە قايتادى.
قر قورعانىس مينيسترلىگى اتالعان كەزەڭدە جەكەلەگەن اۋدانداردا ۋاقىتشا شەكتەۋلەر بولۋى مۇمكىن ەكەنىن مالىمدەدى. ازاماتتاردان سابىر ساقتاۋدى جانە رەسمي اقپارات كوزدەرىنە عانا سەنۋدى سۇرادى.
“جالعان مالىمەتتەردى تاراتاتىندار ءۇشىن قىلمىستىق جاۋاپكەرشىلىك قاراستىرىلعانىن ەسكەرتەمىز”, دەپ حابارلادى قر قورعانىس مينيسترىلىگىن ءباسپاسوز قىزمەتى
