Bügın, 2025 jylǧy 12 qyrküiekte, Qazaqstan Qorǧanys ministrlıgınıŋ (QM) baspasöz qyzmetı maŋyzdy aqparattyq habarlama taratty, dep habarlaidy "Adyrna".
QR qorǧanys vedomstvosynyŋ Telegram-kanalyna säikes:
QR Qaruly küşterı Qūrlyq äskerlerınıŋ jauyngerlık daiarlyq baǧdarlamasy şeŋberınde Maŋǧystau oblysynda "Batys" jäne "Şyǧys" öŋırlık qolbasşylyqtary äskerlerınıŋ qatysuymen "Aibalta-2025" ekıjaqty jedel-taktikalyq komandalyq-ştabtyq oqu-jattyǧuy ötedı. Daiyndyq barysynda osy jyldyŋ 12 qyrküiegınen bastap bırqatar oblystardyŋ aumaǧynan küş-qūraldardyŋ qozǧalysy qarastyrylǧan. Bölımşeler (jeke qūram jäne äskeri tehnika) aralas täsılmen – temır jol jäne avtokölıkpen jürıp ötedı, sodan keiın tūraqty ornalasqan punktterıne qaitady.
QR Qorǧanys ministrlıgı atalǧan kezeŋde jekelegen audandarda uaqytşa şekteuler boluy mümkın ekenın mälımdedı. Azamattardan sabyr saqtaudy jäne resmi aqparat közderıne ǧana senudı sūrady.
“Jalǧan mälımetterdı taratatyndar üşın qylmystyq jauapkerşılık qarastyrylǧanyn eskertemız”, dep habarlady QR Qorǧanys ministrılıgın baspasöz qyzmetı
