قازاقستاندىقتار ءۇشىن مەملەكەتتىك قىزمەتتەر تۋرالى اقپارات الۋ ەندى ىڭعايلى بولدى. eGov AI – مەملەكەتتىك قىزمەتتەر بويىنشا ۆيرتۋالدى اسسيستەنت پايدا بولدى. بۇل تۋرالى 2025 جىلعى 12 قىركۇيەكتە "ۇلتتىق اقپاراتتىق تەحنولوگيالار" اق (نيت) ءباسپاسوز قىزمەتى جاريالادى، دەپ حابارلايدى “ادىرنا”.
اقپاراتقا سايكەس، چاتقا سۇراق قويسا جەتكىلىكتى – eGov AI كەزەڭ-كەزەڭىمەن ءتۇسىندىرىپ بەرەدى جانە قاجەت بولسا، ءتيىستى قىزمەتكە باعىتتايدى.
"eGov AI تەك مەملەكەتتىك قىزمەتتەرگە قاتىستى سۇراقتار شەڭبەرىندە جۇمىس ىستەيدى، رەسمي دەرەككوزدەر مەن وزەكتى مالىمەتتەر بازاسىنا سۇيەنەدى جانە بەرىلەتىن اقپاراتتىڭ دالدىگى مەن سەنىمدىلىگىن قامتاماسىز ەتەدى", – دەلىنگەن ءباسپاسوز قىزمەتىندە.
ايتا كەتەيىك، eGov AI – جاساندى ينتەللەكت نەگىزىندەگى ۆيرتۋالدى اسسيستەنت.
ول چات فورماتىندا جۇمىس ىستەيدى – سۇراق قويساڭىز جەتكىلىكتى، اسسيستەنت قاراپايىم تىلمەن نە ىستەۋ كەرەگىن تۇسىندىرەدى جانە قاجەت بولسا، تىكەلەي ءتيىستى بولىمگە نەمەسە قىزمەتكە باعىتتايدى.
eGov AI تەك مەملەكەتتىك قىزمەتتەرگە قاتىستى سۇراقتارعا ارنالعان. جاۋاپتار رەسمي دەرەككوزدەر مەن وزەكتى مالىمەتتەر بازاسىنا سۇيەنە وتىرىپ دايىندالادى، بۇل ولاردىڭ دالدىگى مەن سەنىمدىلىگىن قامتاماسىز ەتەدى.
دۇرىس سۇراقتارعا مىسالدار:
- كىناسىزدىك تۋرالى انىقتامانى قالاي الۋ كەرەك؟
- ەتسق قالاي الۋ كەرەك؟
- تۇرعىلىقتى جەرى بويىنشا تىركەلۋ نۇسقاۋلىعى.
- eGov AI قانداي سۇراقتارعا جاۋاپ بەرە المايدى؟
- eGov AI مەملەكەتتىك قىزمەتتەرگە قاتىسى جوق سۇراقتارعا جاۋاپ بەرمەيدى. مىسالى:
- بۇگىنگى جۇلدىز جورامال قانداي؟
- قاربىزدىڭ باعاسى قانشا؟
- قانداي كولىك ساتىپ العان ءجون؟
"ەگەر سۇراعىڭىز وڭدەلمەسە جانە ءسىز قاناعاتتانارلىق جاۋاپ الا الماساڭىز، "جاۋاپتى باعالاۋ" باتىرماسىن باسىپ، پىكىر قالدىرۋىڭىزدى سۇرايمىز. چات جاۋاپتارىن 1-دەن 5 جۇلدىزعا دەيىن باعالاڭىز. بوتتى پايدالانۋ تاجىريبەڭىزدى ء"سىزدىڭ پىكىرىڭىز" بولىمىندە سيپاتتاڭىز", – دەپ قازاقستاندىقتاردى شاقىردى نيت ءباسپاسوز قىزمەتى.
بۇعان دەيىن قازاقستاندىقتارعا 2025 جىلعى 11 تامىزدان باستاپ ەلەكتروندىق تسيفرلىق قولتاڭبا (ەتسق) كىلتتەرىن تەك ونلاين رەجيمدە الۋعا بولاتىنى ەسكەرتىلگەن جانە ۆيدەو-نۇسقاۋلىق كورسەتىلگەن.
