Almatynyŋ Medeu audanynda 3000 şarşy metr aumaqta qūrǧaq şöp örtendı, dep habarlaidy "Adyrna" ūlttyq portaly.
Qalalyq TJD mälımetınşe, ört jaily habarlama saǧat 16:19-da tüsken. Tılsız jau Töle bi köşesı men Şyǧys ainalma joly qiylysyndaǧy töbe betkeiınde şyqqan.
Ört söndıruşıler tauǧa köterılıp, 8 minutta oqiǧa ornyna jettı. Barlau kezınde 3000 şarşy metr aumaqta qūrǧaq şöptıŋ janǧany anyqtaldy. Jaǧdaidy biıktıkten baqylau üşın dron qoldanyldy.
Örttı söndıruge 43 ört söndıruşı men qūtqaruşy jäne 9 tehnika jūmyldyryldy. Jeldıŋ äserınen jalynnyŋ jeke üilerge taralu qaupı bolǧanymen, der kezınde qabyldanǧan şaralardyŋ arqasynda ol joiyldy.
TJD habarlauynşa, ört saǧat 17:29-da oqşaulanyp, 17:55-te tolyq söndırılgen.
Ūqsas jaŋalyqtar
