استانادا Smart City تۇجىرىمداماسى اياسىندا حالىقارالىق G42 حولدينگىمەن بىرلەسىپ، قوعامدىق قاۋىپسىزدىك پەن قالالىق ورتانى باسقارۋ سالاسىندا جاساندى ينتەللەكت تەحنولوگيالارىن ەنگىزۋ جوباسى بەلسەندى تۇردە جۇزەگە اسىرىلۋدا. ونىڭ ىشىندە زاماناۋي مەگاپوليستەر تاجىريبەسىنە سۇيەنە وتىرىپ، ۆيدەوساراپتامانىڭ 35-تەن استام ءتۇرى جانە جول قوزعالىسىنىڭ ەرەجەلەرى بۇزىلعانىن تىركەۋدىڭ 15 ءادىسى ەنگىزىلىپ جاتىر.
قوعام وكىلدەرىمەن، ساراپشىلار قاۋىمداستىعىمەن، جاستارمەن، كاسىپكەرلەرمەن جانە ءماسليحات دەپۋتاتتارىمەن قازاقستان رەسپۋبليكاسىنىڭ پرەزيدەنتى قاسىم-جومارت كەمەلۇلى توقاەۆتىڭ «جاساندى ينتەللەكت داۋىرىندەگى قازاقستان: وزەكتى ماسەلەلەر جانە ونى تۇبەگەيلى تسيفرلىق وزگەرىستەر ارقىلى شەشۋ» اتتى جولداۋى تالقىلاندى.
بيىل استانادا EXPO اۋماعىندا Alem.AI حالىقارالىق جاساندى ينتەللەكت ورتالىعى اشىلادى. بۇل ورتالىق جي-ەكونوميكانى دامىتۋعا، عىلىمي زەرتتەۋلەردى قولداۋعا، تسيفرلىق سالاعا ينۆەستيتسيالار تارتۋعا جانە وزگە دە ماڭىزدى باعىتتاردىڭ دامۋىنا سەرپىن بەرەدى.
سول سياقتى ەلوردادا تىرشىلىكتىڭ نەگىزگى سالالارىنا وزىق تەحنولوگيالار بەلسەندى تۇردە ەنگىزىلىپ جاتىر. ماسەلەن، تۇرعىن ءۇي-كوممۋنالدىق شارۋاشىلىق سالاسىندا جاساندى ينتەللەكت مودۋلدەرى ازاماتتاردىڭ وتىنىشتەرىن ناقتى ۋاقىت رەجيمىندە تالدايدى. قالادا تۇرمىستىق قاتتى قالدىقتاردى جيناۋ ۇدەرىسى تولىقتاي تسيفرلاندىرىلعان. وپەراتورلاردىڭ جۇمىسى GPS-مونيتورينگ جانە فوتوفيكساتسيا جۇيەسى ارقىلى جەدەل باقىلانادى.
دەنساۋلىق ساقتاۋ سالاسىندا ماڭىزدى قادام PACS جۇيەسىن – جاساندى ينتەللەكتىسى بار تسيفرلىق راديولوگيا ەنگىزۋ بولدى. ول 4 ميلليوننان استام زەرتتەۋدى بىرىڭعاي مۇراعاتقا ەنگىزىپ، دياگنوستيكالاۋ مەرزىمىن ەداۋىر قىسقارتۋعا مۇمكىندىك بەرەدى.
مەكتەپتەر زاماناۋي تەحنيكالىق بازامەن جابدىقتالدى، 143 STEM-كابينەت اشىلىپ، تەحنيكالىق عىلىمداردى تەرەڭدەتىپ وقۋعا جاعداي جاسالدى. الداعى ۋاقىتتا جاساندى ينتەللەكتىنى وقىپ-ۇيرەنۋگە جانە قولدانۋعا باعىتتالعان ساباقتاردى كەزەڭ-كەزەڭىمەن ەنگىزۋ جوسپارلانىپ وتىر.
كولىك سالاسىندا لرت-نىڭ GoA-4 دەڭگەيىندەگى ەڭ جوعارى اۆتوماتتاندىرىلعان باسقارۋ جۇيەسى ەنگىزىلىپ جاتىر، بۇل جۇيە پويىزداردىڭ قوزعالىسىن ءماشينيستىڭ قاتىسۋىنسىز تولىقتاي اۆتوماتتى رەجيمدە باسقارادى.
مەملەكەت باسشىسىنىڭ جاساندى ينتەللەكتىنى دامىتۋ جونىندەگى جولداۋى اياسىندا ەلوردادا AI-كەڭەس قۇرىلدى. كەڭەس قالا ينفراقۇرىلىمىنا جاساندى ينتەللەكت تەحنولوگيالارىن ەنگىزۋ، IT-ەكوجۇيەنى دامىتۋ، تسيفرلىق ترانسفورماتسيانى ىلگەرىلەتۋ بويىنشا ۇسىنىستار ازىرلەيدى، سونداي-اق تسيفرلىق باستامالارعا ساراپتامالىق باعا بەرىپ، ولاردىڭ ۇيلەستىرۋىن قامتاماسىز ەتەدى.
پرەزيدەنت تاپسىرمالارى جۇيەلى تۇردە، قالا تۇرعىندارىنىڭ مۇددەلەرى مەن قوعامدىق ۇسىنىستاردى ەسكەرە وتىرىپ ورىندالادى.
كەزدەسۋ قورىتىندىسى بويىنشا پرەزيدەنت جولداۋىن قالا دەڭگەيىندە جۇزەگە اسىرۋعا قاتىستى ناقتى ۇسىنىستار قابىلداندى.
ۇقساس جاڭالىقتار
