ەكس-پرەزيدەنت نۇرسۇلتان نازارباەۆتىڭ تۇڭعىش قىزى الماتىداعى «تسەليننىي» مادەنيەت ورتالىعىنىڭ اشىلۋ راسىمىنە قاتىستى، دەپ حابارلايدى "ادىرنا" ۇلتتىق پورتالى Orda.kz-كە سىلتەپ.
باسىلىمنىڭ سوزىنشە، داريعا نازارباەۆا شاراعا ءوزىنىڭ بۇرىنعى قۇداسى، كاسىپكەر قايرات بورانباەۆتى قۇتتىقتاۋ ءۇشىن كەلگەن. سەبەبى ورتالىق جوباسى ونىڭ ەسىمىمەن بۇرىننان بايلانىستى.
«تسەليننىيدىڭ» جوندەۋ جۇمىستارى 2018 جىلى باستالعانىمەن، ورتالىق تەك بيىل، 5 قىركۇيەكتە اشىلدى. بۇل ۇدەرىس پاندەميا مەن كاسىپكەردىڭ قاماۋعا الىنۋىنا بايلانىستى كەشىكتىرىلگەن.
باق بەتتەرىندە تاراعان اقپاراتقا سايكەس، قازىر مۇندا كورمەلەر ءوتىپ جاتىر. ال جەلتوقسان ايىنان باستاپ كينوكورسەتىلىمدەر ۇيىمداستىرىلماق.
ەسكە سالساق، قايرات بورانباەۆ – داريعا نازارباەۆانىڭ بۇرىنعى قۇداسى. ونىڭ قىزى ءاليما مارقۇم ايسۇلتان نازارباەۆقا تۇرمىسقا شىققان بولاتىن. ايسۇلتان نازارباەۆ 2020 جىلى ومىردەن ءوتتى.
