78 جاسقا قاراعان شاعىندا تەلەراديو ارداگەرى، جۋرناليست ايتقالي نۇرعاليەۆ ومىردەن ءوتتى. بۇل تۋرالى Qazaqstan تەلەارناسى جاريالادى، دەپ حابارلايدى “ادىرنا” ۇلتتىق پورتالى.
ايتقالي نۇرعاليەۆ «قازاقستان» تەلەراديوكورپوراتسياسىنىڭ ايماقتىق فيليالى «Atyraý» تەلەارناسىنىڭ نەگىزىن قالاپ، ارنانى 15 جىلدان استام ۋاقىت باسقاردى. «اتىراۋ-اقپارات» جشس ديرەكتورىنىڭ ورىنباسارى لاۋازىمىن اتقاردى.
ايتا كەتەيىك، اتىراۋ وبلىستىق فيليالى عيماراتىندا ايتقالي قۇمارعاليۇلى اتىنداعى مەديااۋديتوريا بار.
«ادىرنا» ۇلتتىق پورتالى ءجۋرناليستىڭ وتباسى مەن جاقىندارىنا قايعىرا كوڭىل ايتادى.
