Oraldaǧy «Atameken» öner ordasynda mūnai jäne gaz önerkäsıbı qyzmetkerlerı künıne orai saltanatty şara öttı.
Mūnai-gaz keşenı – elımızdıŋ strategiialyq salalarynyŋ bırı. Būl salada auqymdy jobalar ıske asyryluda, öndırıster jaŋǧyrtyluda, jaŋa tehnologiialar engızılude, öŋırdıŋ äleumettık infraqūrylymy damuda. Ötken jyly mūnai-gaz käsıporyndarynyŋ tūraqty jäne tiımdı jūmysynyŋ arqasynda Aq Jaiyq öŋırınıŋ ūlttyq ekonomikadaǧy jetekşı rölınen airylmady. Bızdıŋ öŋır respublika boiynşa mūnai öndıru kölemı jaǧynan Atyrau men Maŋǧystau oblystarynan keiıngı üşınşı orynda tūr. Elımızdegı öndırılgen mūnaidyŋ 14,4%-y – oblystyŋ ülesınde. Mūnai men kondensattyŋ alynatyn qory şamamen 329 mln tonnany qūraidy, al gaz qory 882,6 mlrd tekşe metrden asady. 2024 jyly 12,6 mln tonna sūiyq kömırsutekter öndırıldı. 2030 jylǧa qarai Qaraşyǧanaq ken orny esebınen mūnai öndırudı 13,9 mln tonnaǧa deiın jetkızu josparlanǧan. Sondai-aq Rojkovskoe kondensat ken ornynda («Oral Oil Gaz» JŞS) jūmystar jürgızılude. Öŋırde bırqatar jobalardy jüzege asyru josparǧa engızılgen.
– Qaraşyǧanaq ken ornynda mūnai öndıru polkın qoldau jobalary aiasynda 5-şı kerı aidau kompressorynyŋ qūrylysy aiaqtalyp, 6-şy kompressordyŋ qūrylysy jalǧasuda. Jobany 2026 jyly aiaqtau mejelengen. Auksiondyq tetık arqyly ıske asyruǧa berıletın jer qoinauynyŋ bos jäne keleşegı mol uchaskelerı bar. 2024 jyly jer qoinauynyŋ bır uchaskesı (Şyŋǧys-Telsu uchaskesı) boiynşa auksion ötkızıldı. Bül künderı uchaske boiynşa barlau jobalau qūjatyn jasau üşın geologiialyq-geofizikalyq materialdar zerdelenude. Öŋırdegı gaz öndırudıŋ negızgı ülesın mūnai-gaz kondensaty bolyp tabylatyn Qaraşyǧanaq ken orny qamtamasyz etedı. Atalǧan ken ornynyŋ tehnikalyq şarttaryn eskere otyryp, mūnai öndıru üşın öndırılgen gazdy kerı aidaudy jüzege asyru qajet, – dedı jiynda sala qyzmetkerlerı men ardagerlerın qūttyqtaǧan oblys äkımınıŋ orynbasary Miras Mülkäi.
Baiandamşynyŋ aituynşa, 2024 jyly gaz öndıru 23,9 mlrd m3 qūrady, aidau ülesı 14,2 mlrd m3 boldy. 2025 jyldyŋ 8 aiynyŋ qorytyndysy boiynşa kömırsutek şikızatyn öndıru kölemı: gaz –17,4 mln tekşe metr, mūnai jäne gaz kondensaty – 8,4 mln tonna qūrady. Keleşekte 2029 jylǧa deiın gaz öndırudı tiısınşe 22,4 -ten 31,3 mlrd m3-ge deiın ūlǧaitu közdelgen. A,ymdaǧy jyly tauarlyq gaz alu maqsatynda Qaraşyǧanaq aksionerlerımen bırlese otyryp, quattylyǧy jylyna 4 mlrd m3-ge deiıngı gaz öŋdeu zauytynyŋ qūrylysy jobasyn jüzege asyrudyŋ tūjyrymdamalyq şeşımderıne qol jetkızıldı. Būl jobany 2028 jylǧa deiın ıske asyru josparlanǧan. 2023 jyldyŋ jeltoqsanynda Rojkovskoe ken ornynda alǧaşqy gaz öndırısı orny paidalanuǧa berıldı. Şikı gaz «Jaiyqmūnai» JŞS-nyŋ gaz öŋdeu zauytynda öŋdeledı. Sonymen bırge, keleşekte Kamensko-Teplovsko-Tokarevskaia ken oryndary tobyn (alu qory 42,3 mlrd m3 gaz) ıske qosu josparlanuda. Öŋırde mūnai-gaz salasyn damytu jäne jetıldıru jönındegı jūmys däiektı türde jalǧaspaq.
Is-şarada «Münaişy» qoǧamdyq qorynyŋ BQ filialynyŋ direktory B. Mahuov, «KPO b. v.» kompaniiasynyŋ kadrlardy basqaru boiynşa direktory S. Izbasarova ärıptesterın käsıbi merekemen qūttyqtady. Osy salada adal eŋbek etıp, el damuyna üles qosyp jürgen bırqatar maman oblys äkımınıŋ Alǧys hatymen marapattaldy.
Täuelsızdık jyldary elımız qara altynnyŋ igılıgın molynan kördı. Osy jyldar ışınde mūnai öndırısı tört ese östı. Memleketımızdıŋ damuy men halyqtyŋ äl-auqatyn arttyrudaǧy strategiialyq tırek mūnai-gaz salasy öŋırde de damu qarqynynan tanbaq emes.
