قر ەنەرگەتيكا ۆيتسە-ءمينيسترى اسحات حاسەنوۆ 2023 جىلى قازاقستاندا 90 ملن توننا مۇناي وندىرىلگەنىن ايتتى، دەپ حابارلايدى «ادىرنا» ۇلتتىق پورتالى tengrinews.kz سايتىنا سىلتەمە جاساي وتىرىپ.
«بيىل ءبىزدىڭ باستاپقى جوسپارىمىز 90,5 ميلليون توننا بولعانمەن، جوسپاردان تىس توقتاۋلار بولدى. بۇگىندە 90 ميلليون توننا وندىرەمىز دەپ ۇمىتتەنەمىز»، - دەدى حاسەنوۆ سەنات وتىرىسىندا جۋرناليستەردىڭ سۇراقتارىنا جاۋاپ بەرە وتىرىپ.
سونىمەن قاتار ۆيتسە-مينيستر قازاقستان 2024 جىلى قانشا مۇناي ءوندىرۋدى جوسپارلاپ وتىرعانىن مالىمدەدى.
«كەلەسى جىلى ءبىزدىڭ جوسپارىمىز 90 ميلليون توننا دەڭگەيىندە ساقتالاتىن بولادى. ءداستۇر بويىنشا، وسى 90 ميلليوننىڭ شامامەن 73-75 ميلليونى ەكسپورت بولىپ تابىلادى. ياعني، ءبىز ىشكى نارىققا 17-18 ميلليونعا جۋىق ەكسپورتتى الىپ جاتىرمىز»، - دەپ تۇيىندەدى مينيستر.
«ادىرنا» ۇلتتىق پورتالى
