سولتۇستىك قازاقستان وبلىسىندا قىزمەتتىك مىندەتىن ورىنداپ جۇرگەن ەكى ۋچاسكەلىك پوليتسيا ينسپەكتورى جول-كولىك اپاتىنان كوز جۇمدى، دەپ حابارلايدى "ادىرنا" ۇلتتىق پورتالى.
2025 جىلعى 6 قىركۇيەكتە چيستوپول – شوپتىكول اۆتوجولىندا Chevrolet Cobalt پەن Toyota Camry كولىكتەرى سوقتىعىسقان. سالدارىنان ەكى ادام وقيعا ورنىندا قازا بولدى.
سقو پوليتسيا دەپارتامەنتىنىڭ دەرەگىنشە، مارقۇم بولعان پوليتسەيلەر قىزمەتتىك مىندەتىن اتقارىپ جۇرگەن جانە ماس كۇيدە بولماعان. اپات فاكتىسى بويىنشا قىلمىستىق ءىس قوزعالىپ، تەرگەۋ امالدارى ءجۇرىپ جاتىر.
جول اپاتىنان پوليتسيا مايورى ۆلاديمير سينيتسىن مەن پوليتسيا اعا لەيتەنانتى داۋلەتحان قازىحان قايتىس بولدى.
ىشكى ىستەر مينيسترى ەرجان سادەنوۆ قازا بولعان قىزمەتكەرلەردىڭ تۋىستارى مەن جاقىندارىنا كوڭىل ايتتى. ول مارقۇمداردىڭ وتباسىنا قاجەتتى كومەك كورسەتىلەتىنىن جانە ولاردىڭ ەسىمدەرى ىشكى ىستەر ورگاندارىنىڭ جادىندا ماڭگى ساقتالاتىنىن اتاپ ءوتتى
