نۇر-سۇلتاندا جانتۇرشىگەرلىك جول اپاتىنان 5 ادام قازا تاپتى، - دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ.
پوليتسيا دەپارتامەنتىنىڭ ءباسپاسوز قىزمەتى وقيعا 30 قىركۇيەكتە ساعات 00.34-تە بولعانىن حابارلادى.
"Toyota Camry اۆتوكولىگىنىڭ 19 جاستاعى جۇرگىزۋشىسى ەسىل وزەنى ارقىلى وتەتىن كوپىردەن سارايشىق كوشەسىنە قاراي ءجۇرىپ، جىلدامدىق رەجيمىن ساقتاماعاندىقتان ءرۋلدى باسقارا الماي قارسى قوزعالىس جولاعىنا شىعىپ، Nexıa Ravon اۆتوكولىگىمەن سوقتىعىسقان",-دەپ حابارلادى پوليتسيا.
جول اپاتى سالدارىنان بەس ادام قازا تاۋىپ، تاعى ءبىر جولاۋشى ءتۇرلى جاراقاتتارمەن اۋرۋحاناعا جاتقىزىلدى.
"وقيعا ورنىندا ەكى جۇرگىزۋشى، ءۇش جولاۋشى قايتىس بولدى. Toyota Camry-ءدىڭ ءبىر جولاۋشىسى اۋىر حالدە قالالىق اۋرۋحاناعا جاتقىزىلدى. اتالعان دەرەك بويىنشا قىلمىستىق كودەكستىڭ 345-بابى 4-بولىگى "كولىك قۇرالدارىن باسقاراتىن ادامداردىڭ جول قوزعالىسى نەمەسە كولىك قۇرالدارىن پايدالانۋ ەرەجەلەرىن بۇزۋى" بويىنشا قىلمىستىق ءىس قوزعالدى", - دەپ تولىقتىردى ۆەدومستۆو.
پوليتسيا دەپارتامەنتى جۇرگىزۋشىلەردەن جول ەرەجەلەرىن قاتاڭ ساقتاۋدى سۇرايدى.
