الماتى پوليتسياسى كولىك ۇرىلارىن ۇستادى. بۇل تۋرالى Polisia.kz مالىمدەدى، دەپ حابارلايدى “ادىرنا” ۇلتتىق پورتالى.
قازىرگى ۋاقىتتا جەدەل ۋاكىلدەر تۇركىستان وبلىسىنىڭ 32 جاستاعى تۋماسى مەن ونىڭ سىبايلاسى 40 جاستاعى ازاماتتىڭ ەسەبىندە كولىك ۇرلاۋدىڭ ءتورت دەرەگى بار ەكەندىگىن انىقتادى.
“كولىك ۇرلاعانداردى اشكەرەلەۋ جانە ۇستاۋ ءىس-شاراسىن ءبىزدىڭ بولىمشە قىزمەتكەرلەرى مەدەۋ اۋداندىق پب-نا قاراستى پوليتسيا بولىمىندەگى ارىپتەستەرىمەن بىرلەسىپ جۇرگىزدى. قالانىڭ مەدەۋ اۋدانىندا قاسكويلەر ءتورت كولىكتى ۇرلاپ كەتكەندىگى انىقتالدى. قازىردىڭ وزىندە ءۇش كولىك تابىلىپ، زاتتاي ايعاق رەتىندە قىلمىستىق ءىس ماتەريالدارىنا تىركەلدى. ءتورتىنشى كولىك Toyota Vista ءالى تابىلعان جوق. ۇستالعانداردىڭ ءبىرى ۇرلانعان كولىكتەگى اككۋمۋلياتوردى مەتالل قابىلداۋ ورنىنا تاپسىرىپ جاتقان ۆيدەونى تاركىلەدىك”، – دەيدى الماتى قالالىق پد كريمينالدىق پوليتسيا باسقارماسىنىڭ باستىعى قۋاتبەك ناۋاتوۆ.
قازىر پوليتسەيلەر ۇستالعانداردىڭ قالادا جاسالعان وسىعان ۇقساس قىلمىستارعا قاتىسى بار-جوعىن تەكسەرىپ جاتىر. ايىپتالۋشىلار قاماۋعا الىندى.
”ادىرنا” ۇلتتىق پورتالى
