ۇلتتىق قاۋىپسىزدىك كوميتەتى توراعاسىنىڭ بۇرىنعى ورىنباسارى - قازاقستان شەكارا قىزمەتىنىڭ ديرەكتورى دارحان ءدىلمانوۆ ەكى ايعا قاماۋعا الىندى، دەپ حابارلايدى "ادىرنا" سايتى.
بۇل تۋرالى الماتى قالالىق سوتىنىڭ ءباسپاسوز قىزمەتى مالىمدەدى.
«الماتى قالاسى تەرگەۋ سوتىنىڭ 2022 جىلعى 24 ماۋسىمداعى قاۋلىسىنا سايكەس، كۇدىكتىگە قاتىستى كۇزەتپەن ۇستاۋ تۇرىندەگى بۇلتارتپاۋ شاراسىن سانكتسيالاۋ تۋرالى ءوتىنىش قاناعاتتاندىرىلدى»، - دەدى سوتتىڭ ءباسپاسوز قىزمەتى.
ەسكە سالايىق، 22 ماۋسىم كۇنى ۇلتتىق قاۋىپسىزدىك كوميتەتى شەكارا قىزمەتىنىڭ بۇرىنعى باسشىلارى بيلىكتى اسىرا پايدالانۋ فاكتىسى بويىنشا ۇستالعان بولاتىن.
