جاڭا وقۋ جىلىنىڭ قارساڭىندا «AMANAT» پارتياسى «باقىتتى وتباسى» جوباسى اياسىندا 16 جىل قاتارىنان «بالانى مەكتەپكە دايىندايىق!» رەسپۋبليكالىق قايىرىمدىلىق اكتسياسىن وتكىزۋدە. بۇل يگى ءداستۇر جىل سايىن بالالارىن مەكتەپكە دايىنداۋدا قارجىلاي كومەككە ءزارۋ وتباسىلاردى قولداۋ ماقساتىندا ۇيىمداستىرىلادى.
بيىل 26 مىڭنان استام كوپبالالى جانە از قامتىلعان وتباسىنداعى 49 500 بالا كومەك الدى. ولارعا وقۋ قۇرالدارى سالىنعان سومكەلەر، مەكتەپ فورماسى جانە باسقا دا قاجەتتى زاتتار تابىستالدى. سوڭعى ءۇش جىلدىڭ ىشىندە اتالعان اكتسيا اياسىندا 130 مىڭنان استام وقۋشىعا قولداۋ كورسەتىلدى.
«AMANAT» پارتياسىنىڭ اتقارۋشى حاتشىسى داۋلەت كارىبەك ءوزىنىڭ Instargam پاراقشاسىندا اتاپ وتكەندەي، بالاعا دەگەنقامقورلىق بولاشاققا سالىنعان ينۆەستيتسيا.
«مەملەكەت باسشىسى قاسىم-جومارت توقاەۆ ايتقانداي، ادال ازامات ءدال مەكتەپ قابىرعاسىندا قالىپتاسادى. ءبىزدىڭ پارتيانىڭ مىندەتتەرىنىڭ ءبىرى – ءاربىر بالانىڭ ساپالى ءبىلىم الۋىنا قولايلى جاعداي جاساۋ. ەلدىڭ ءار وڭىرىندە پارتيا بەلسەندىلەرى مىڭداعان وتباسىعا جاڭا وقۋ جىلىنا دايىندىققا كومەك كورسەتۋدە. ءبىز ءۇشىن بۇل ءبىر رەتتىك اكتسيا ەمەس، پرەزيدەنتتىڭ بالالار مەن قيىن جاعدايعا تاپ بولعان وتباسىلاردىڭ مۇددەلەرىن قورعاۋ جونىندەگى باعىتىن قولداۋعا ارنالعان جۇيەلى جۇمىستىڭ ءبىر بولىگى»، – دەدى ول.
پارتيانىڭ 2023-2027 جىلدارعا ارنالعان «حالىقپەن بىرگە!» سايلاۋالدى باعدارلاماسى اياسىندا كەمىندە 1,2 ملن جايلى وقۋشى ورنىن قۇرۋ، ءۇش اۋىسىمدى جانە اپاتتى مەكتەپتەر ماسەلەسىن تولىق شەشۋ، سونداي-اق 3 مىڭ وقۋ ورنىن جاڭعىرتۋ كوزدەلگەن. بيىلدىڭ وزىندە باعدارلاما اياسىندا ەلىمىز بويىنشا 83 مەكتەپ سالىندى.
سونىمەن قاتار «باقىتتى وتباسى» جوباسى شەڭبەرىندە 2024 جىلى 37 مىڭ وتباسىعا تىكەلەي كومەك كورسەتىلدى، مەملەكەتتىك قولداۋ شارالارىنىڭ ورىندالۋىن قاداعالاۋ ماقساتىنداقوعامدىق-پارتيالىق باقىلاۋ ۇيىمداستىرىلدى. پارتيا باستاماسىمەن اشىلعان وتباسىلاردى قولداۋ ورتالىقتارىندا 500 انا بالالارىمەن ۋاقىتشا ورنالاستىرىلدى. قازىرگى تاڭدا مۇنداي ورتالىقتار سانى – 104. سونداي-اق 3,4 مىڭ الەۋمەتتىك تۇرعىدان وسال وتباسى قۇقىقتىق كومەك الدى.
