AMANAT پارتياسىنىڭ «ادىلەت» پارتياسىنا قوسىلۋىن زاڭدىق تۇرعىدان راسىمدەۋ پروتسەسى شامامەن التى ايعا دەيىن سوزىلۋى مۇمكىن. بۇل تۋرالى «ادىلەت» پارتياسى ساياسي كەڭەسى بيۋروسىنىڭ مۇشەسى راۋان كەنجەحانۇلى مالىمدەدى، دەپ حابارلايدى «ادىرنا» ءتىلشىسى.
ونىڭ ايتۋىنشا، بارلىق قاجەتتى ءراسىم اياقتالعانعا دەيىن AMANAT پارتياسى زاڭدى تۇلعا رەتىندە ءبىراز ۋاقىت جۇمىسىن جالعاستىرا بەرەدى. وسى كەزەڭدە ءماسليحاتتار دا ءوز قىزمەتىن توقتاتپايدى.
ء«ماسليحاتتاردىڭ قىزمەتىنە قاتىستى كەلەسى كەزەڭنىڭ قاشان باستالاتىنى نەمەسە سايلاۋدىڭ قاشان وتەتىنى ازىرگە بەلگىسىز. 14 ماۋسىمدا AMANAT پارتياسىنىڭ «ادىلەتكە» قوسىلۋى جونىندە ساياسي شەشىم قابىلداندى. الايدا بۇل شەشىمدى زاڭدىق تۇرعىدان راسىمدەۋ بەلگىلى ءبىر ۋاقىتتى تالاپ ەتەدى. سول كەزەڭدە AMANAT اتىنان سايلانعان دەپۋتاتتار، ونىڭ ىشىندە ءماسليحات دەپۋتاتتارى دا وزدەرىنىڭ زاڭدى مارتەبەسى مەن وكىلەتتىكتەرىن ساقتايدى»،– دەدى راۋان كەنجەحانۇلى.
ول زاڭدىق راسىمدەۋ جۇمىستارى شامامەن 5–6 ايعا سوزىلۋى مۇمكىن ەكەنىن ناقتىلادى.
ەسكە سالايىق، بۇعان دەيىن «ادىلەت» پارتياسى سەزىنىڭ دەلەگاتتارى AMANAT پارتياسىمەن بىرىگۋ تۋرالى شەشىمدى قولداپ داۋىس بەرگەن بولاتىن.
