تۇركىستان وبلىسىندا جوعالعان ءتورت جاسار بالانى ەكىنشى كۇن ىزدەستىرىپ جاتىر، دەپ حابارلايدى «ادىرنا» ۇلتتىق پورتالى وبلىستىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
«1 جەلتوقسان كۇنى كەشكە تۇركىستان قالاسىنىڭ پوليتسيا بولىمىنە جەرگىلىكتى تۇرعىن حابارلاسىپ، ويىنعا شىققان ءتورت جاسار ۇلىنىڭ ۇيىنە ورالماعانىن حابارلادى. شاعىم بىردەن تىركەلىپ، بارلىق پوليتسيا قىزمەتكەرلەرى ىسكە جۇمىلدىرىلدى. قازىرگى ۋاقىتتا ءتارتىپ ساقشىلارى جان-جاقتى جەدەل-ىزدەستىرۋ شارالارىن جۇرگىزۋدە»، - دەلىنگەن سەنبى كۇنى تاراعان حابارلامادا.
جوعالعان بالانىڭ فوتوسۋرەتى، بەلگىلەرى ايتىلعان اقپارات بارلىق اۋداندارعا جىبەرىلدى.
«كومەككە ەرىكتىلەر مەن جەرگىلىكتى تۇرعىندار دا كەلدى»، - دەپ قوستى پوليتسيا.
جوعالعان بالا – باقىت ايبار الديارۇلى، 25.05.2019 ج.ت. ونىڭ بەلگىلەرى: بويى 60-65 سم، شاشى قارا قوڭىر. ول سۇر ءتۇستى كويلەك، قوڭىر شالبار، اياعىنا قارا گالوش كيگەن.
«جوعالعان بالانى كورگەن نەمەسە قانداي دا ءبىر اقپارات بىلەتىن كەز كەلگەن ادام دەرەۋ پوليتسياعا 8-725-33-5-97-65, 8-725-33-97-40-94 نەمەسە +77014596666, +77026376600 تەلەفوندارى ارقىلى، سونداي-اق 102, +77759962793 نومەرلەرىنە حابارلاسۋىن سۇرايمىز»، - دەپ سۇرادى پوليتسەيلەر.
«ادىرنا» ۇلتتىق پورتالى
