دەپۋتات گەننادي شيپوۆسكيح ونلاين ويىندارعا قاتىستى پىكىر ءبىلدىرىپ، ونىڭ سانانى ۋلاۋ ەكەنىن باسا ايتتى، دەپ حابارلايدى "ادىرنا" ۇلتتىق پورتالى.
"كەزىندە جۇرت ەڭبەك ەتىپ، نان تاپسا، قازىر اۋا ساتىپ نان تاۋىپ ءجۇر. وسىعان قاتىستى دەپۋتاتتىق ساۋال دايىنداپ جاتىرمىز. ارينە، مەنىڭ كوزقاراسىم وعان دۇرىس ەمەس. ءبىرىنشى كەزەكتە، جەڭىل تابىس تابۋ ەشقاشان جاقسىلىققا اپارماعان. ونىڭ ۇستىنە، بيىل جۇمىسشى ماماندىقتار جىلى دەپ جاتىرمىز. جۇمىسشى ماماندىقتاردى دارىپتەپ جۇرگەن ساتتە وسىنداي كەرى تارتپا ازاماتتار شىعىپ جاتىر. ءبىزدىڭ جاستارىمىزدىڭ ميىن ۋلاپ جاتىر دەسەك تە ارتىق ەمەس. وسىنىڭ ءبارىن تەكسەرۋ كەرەك", – دەدى دەپۋتات گەننادي شيپوۆسكيح.
ايتا كەتەيىك، تامىز ايىنىڭ سوڭىندا ونلاين ويىن مەن كازينونى جارنامالاعان 34 بلوگەردىڭ ءتىزىمى تاراپ، جەلىدە قىزۋ تالقىلانعان بولاتىن.
