بۇگىنگى مەرەيلى مەرەكەدە شاحتەرلەردىڭ ەرەن ەڭبەگى ەلەنىپ، سالا ارداگەرلەرى مەن ۇزدىك ماماندار ماراپاتتالدى. وردەن «قۇرمەتپەن» توو «سوكۋر كومىر» تەحنيكالىق ديرەكتورى بولات جاكەنوۆ تا ناگرادتالدى. ماراپات يەسى وسى كۇنگە وراي ءوز پىكىرىن ءبولىستى.
مەملەكەت پەن مەملەكەت باسشىسىنىڭ شاحتەرلەر سالاسىنا كورسەتىپ وتىرعان قولداۋىن قالاي باعالايسىز؟
مەملەكەت پەن مەملەكەت باسشىسىنىڭ شاحتەرلەر سالاسىنا جاساپ وتىرعان قامقورلىعى – بۇگىنگى كۇننىڭ سۇراۋىنا ساي. كەڭ بايتاق ەلىمىزدىڭ جەر استى بايلىعى ۇرپاقتان-ۇرپاققا جالعاسادى ەمەس پە؟ بۇگىن مەملەكەت باسشىسى بۇل سالانى ءوز نازارىندا ۇستاپ، قازاقستاننىڭ قۋاتتى ەل بولۋىنا ەڭبەك ەتىپ جاتىر دەسەم ارتىق ەمەس.
ءبىر شۋماقپەن ايتسام:
جەر بايلىعى اتادان قالعان مۇرا ەمەس، ول بولاشاقتىڭ يگىلىگىنە اينالۋى كەرەك. سول ءۇشىن قۇنتتى بولايىق دەگىم كەلەدى.
ءوز قىزمەتىڭىزدەگى ەڭ ۇلكەن جەتىستىگىڭىز دەپ نەنى ايتار ەدىڭىز؟
ءوزىم ءۇشىن ەڭ ۇلكەن جەتىستىك – 1976 جىلى قاراعاندىداعى وردەنا ترۋدوۆوگو كراسنوگو زنامەني پوليتەحنيكالىق ينستيتۋتىنىڭ گورنىي فاكۋلتەتىنە، ماركشەيدەر ماماندىعىنا ستۋدەنت بولىپ قابىلدانعان كۇنىم. سول ساتتەن باستاپ وسى سالادا ادال ەڭبەك ەتىپ كەلەمىن. قانشا اۋىر جۇك بولسا دا، شەشىمىن تاۋىپ، ابىرويمەن اتقارىپ جۇرگەنىم – مەنىڭ باستى جەتىستىگىم.
شاحتەرلىك جولدى تاڭداعان جاس ماماندارعا قانداي تىلەگىڭىز بار؟
جاس مامانداردى ارقاشان ماقتان ەتەمىن. ولارعا ايتارىم:
جاس مامانداردى مەن ماقتايمىن،
ەڭبەكتەرىڭ بولسىن جەمىستى.
تابىستارىڭىز بولسىن قوماقتى،
تورلەرىڭىز بولسىن قوناقتى!
جاس مامانداردىڭ كوڭىلى جاي بولسىن،
تارىققان كۇندەرى بولماسىن.
بۇتاقتارىنا جاپىراق جايقالىپ،
گۇلدەرىڭ ەشقاشان سولماسىن.
جاس كەنشىلەرىمنىڭ الدى-ارتى كەڭ بولسىن.
جۇمىستارىڭ قانشا اۋىر بولسا دا،
ارتقان جۇكتەرىڭ تەڭ بولسىن!
ۇلى اباي ايتقانداي، ءبىلىم مەن اقىلدىڭ ارقاسىندا، ادال نيەتپەن قازاقستانعا قىزمەت ەتسەڭدەر، تالاي شىڭدى باعىندىراسىڭدار دەپ سەنەمىن.
