رەسەي پرەزيدەنتى كرەمل سايتىندا جاريالانعان جارلىقپەن پرەزيدەنتتىڭ ەكى باسقارماسىن تاراتتى، دەپ حابارلايدى "ادىرنا" ۇلتتىق پورتالى.
شەتەلدىك ەلدەرمەن مادەني جانە وڭىرارالىق بايلانىستار جونىندەگى باسقارما مەن شەكارا ماڭى ىنتىماقتاستىعى باسقارماسىنىڭ ورنىنا ستراتەگيالىق ارىپتەستىك جانە ىنتىماقتاستىق باسقارماسى قۇرىلدى.
بۇعان دەيىن «ۆەدوموستي» باسىلىمى بۇل باسقارمالاردى رەسەي پرەزيدەنتى اكىمشىلىگى باسشىسىنىڭ ورىنباسارى دميتري كوزاك قاداعالاپ كەلگەنىن جازعان. باسىلىم دەرەگىنشە، جاڭا باسقارمانى ءبىرىنشى ورىنباسار سەرگەي كيريەنكو باسقارادى.
سونداي-اق كوزاكتىڭ جاقىن ارادا رەسەي پرەزيدەنتىنىڭ سولتۇستىك-باتىس فەدەرالدىق وكرۋگىندەگى وكىلى قىزمەتىنە تاعايىندالۋى مۇمكىن ەكەنى حابارلاندى. ال قازىرگى پولپرەد الەكساندر گۋتسان باس پروكۋرور قىزمەتىن اتقارىپ، يگور كراسنوۆ جوعارعى سوت توراعالىعىنا ۇمىتكەر بولادى دەگەن بولجام بار.
بۇعان دەيىن The New York Times كوزاكتى ءپۋتيننىڭ اينالاسىنداعى سوعىسقا قارسى پىكىرىن اشىق بىلدىرگەن جالعىز شەنەۋنىك دەپ سيپاتتاعان. باسىلىم دەرەگىنشە، ول رەسەيدىڭ ۋكرايناداعى سوعىستى توقتاتىپ، بەيبىت كەلىسسوزدەر جۇرگىزۋىن جاقتاعان
