بۇگىن موناكودا UEFA چەمپيوندار ليگاسىنىڭ جەرەبە تارتۋ ءراسىمى ءوتتى، دەپ حابارلايدى «ادىرنا» ءتىلشىسى.
«قايراتتىڭ» ءبىرىنشى قارسىلاسى — يسپانيالىق «رەال مادريد» كلۋبى. قازاقستاندىق جانە يسپاندىق كلۋبتار اراسىنداعى كەزدەسۋ الماتىدا وتەدى.
«قايرات» ەكىنشى قارسىلاسى ميلاندىق «ينتەر» كلۋبىمەن سىرتتا جولىعادى. ودان بولەك، الماتىلىق كلۋب ارسەنال (قوناقتا), بريۋگە (ۇيدە), وليمپياكوس (ۇيدە), سپورتينگ ليسسابون (قوناقتا), پافوس (ۇيدە) جانە كوپەنگاگەنمەن (قوناقتا) ويىن وتكىزەدى.
ۋەفا چەمپيوندار ليگاسىنىڭ جالپى كەزەڭ ماتچتارى 16 قىركۇي̆ەكتەن 28 قاڭتارعا دەي̆ىن وتەدى. ناقتى كۇنتىزبە الداعى كۇندەرى جاريالانادى.
1–8 ورىن العان كوماندالار تىكەلەي̆ 1/8 فينالعا جولداما الادى. 9–24 ورىن العاندار ەكى ماتچتان تۇراتىن پلەي̆-وفف كەزەڭىندە وي̆ناي̆دى، جەڭىمپازدار دا 1/8 فينالعا وتەدى. 25–36 ورىن العان كوماندالار تولىقتاي̆ ەۋروكۋبوكتان شىعىپ قالادى.
ايتا كەتەيىك، «قايرات» تاريحتا العاش رەت چەمپيوندار ليگاسىنىڭ نەگىزگى كەزەڭىندە وينايدى. ىرىكتەۋ كەزەڭىندە كلۋب «وليمپيا» (قوس ماتچ قورىتىندىسى بويىنشا 3:1), «كۋپس» (كامبەكپەن 3:2), «سلوۆان» (1:1, پەنالتي سەرياسىندا 4:3) جانە «سەلتيكتى» (0:0, پەنالتي 3:2) جارىستان شىعارعان ەدى.
