«قايرات» فۋتبول كلۋبىنىڭ ەكس-باپكەرى كيريلل كەكەر قايتىس بولدى. قارالى حاباردى 1 جەلتوقساندا كلۋبتىڭ ءباسپاسوز قىزمەتى جەتكىزدى، دەپ حابارلايدى «ادىرنا» ءتىلشىسى.
«بۇگىن 46 جاسىندا «قايرات» فك اكادەمياسىنىڭ جەتەكشىسى كيريلل سەرگەەۆيچ كەكەر كۇتپەگەن جاعدايدا ومىردەن ءوتتى. بۇل — بۇكىل كلۋب ءۇشىن ورنى تولماس اۋىر قايعى. ون جىلدان استام ۋاقىت «قايرات» جۇيەسىنىڭ اجىراماس بولىگى بولىپ، قازاق فۋتبولىنىڭ دامۋ باعىتىن ايقىنداۋعا اتسالىسقان ادامنىڭ قازاسى ءبارىمىزدى تەرەڭ كۇيزەلتتى»،-دەلىنگەن حابارلامادا.
كيريلل كەكەر ءار جىلدارى «قايرات» كلۋبىنىڭ ءتۇرلى قۇرىلىمىندا ماڭىزدى قىزمەتتەر اتقارعان. 2022–2024 جىلدارى سارى-قارالاردىڭ نەگىزگى كومانداسىن باس باپكەر بولىپ باسقارعان. 2025 جىلى اكادەمياعا جەتەكشىلىك ەتىپ، قازاقستان U-19 قۇراماسىمەن بىرگە جاڭا بۋىن فۋتبولشىلارىن تاربيەلەۋگە اتسالىسقان.
