Özbekstan prezidentı Şavkat Mirziioev türlı qylmys jasaǧany üşın sottalǧan 523 adamǧa raqymşylyq jasau turaly jarlyqqa qol qoidy, dep habarlaidy «Adyrna» tılşısı.
Şeşım el täuelsızdıgınıŋ 34 jyldyǧyna orai qabyldanyp otyr.
Jarlyqqa säikes, şamamen 200 adam negızgı jazasyn öteuden tolyq bosatylsa, qalǧandarynyŋ jaza merzımı jeŋıldetıledı nemese qamauda ūstau jaǧdailary özgertıledı.
Raqymşylyqqa ılıkkenderdıŋ arasynda 45 äiel, 60 jastan asqan 31 adam jäne 30 jasqa deiıngı 200-den astam adam bar, olardyŋ bıreuı — kämeletke tolmaǧan jasöspırım. Sondai-aq tızımde tyiym salynǧan ūiymdardyŋ qyzmetıne qatysqany üşın sottalǧan 15 adam jäne 8 şeteldık bar, olardyŋ altauy – Täjıkstan azamattary.
Jarlyqty oryndau şeŋberınde jauapty vedomstvolarǧa raqymşylyq alǧan adamdardy otbasyna qaitaru, olardyŋ qoǧamǧa beiımdeluıne järdemdesu jäne jūmysqa ornalastyru jönınde tapsyrmalar berıldı.
