تۇركىستان وبلىسىندا 56 جاستاعى ازامات تاۋدان قۇلاپ، قايتىس بولدى. بۇل تۋرالى تۇركىستان وبلىسى توتەنشە جاعدايلار دەپارتامەنتىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
وقيعا تولە بي اۋدانىندا بولدى. ەر ادام ايەلى مەن دوسىن ەرتىپ سايرام شىڭىن باعىندىرۋعا تاۋعا شىققان. ال قايتار جولداعى قاۋىپتى اۋماقتا 1967 جىلى تۋعان ەر ادام تومەن قۇلاپ كەتكەن. ول العان جاراقاتتارىنان سول جەردە قايتىس بولدى.
اۋا-رايىنىڭ قولايسىزدىعىنا بايلانىستى ىزدەۋ جۇمىستارى ءالى جۇرگىزىلگەن جوق. قازىرگى تاڭدا قاسقاسۋ كەمپينگىندە پوليتسيا دەپارتامەنتى، اۋىل شارۋاشىلىعى سالاسى، جەرگىلىكتى اتقارۋشى ورگاندار مەن تجد قىزمەتكەرلەرىنەن شتاب قۇرىلدى، - دەلىنگەن اقپاراتتا.
