الماتى وبلىسىنداعى ىلە الاتاۋىنىڭ جاستار اسۋىندا اياعىن سىندىرىپ، قوزعالا الماي قالعان بەلگيا ازاماتى قۇتقارىلدى، دەپ حابارلايدى "ادىرنا" ۇلتتىق پورتالى.
45 جاستاعى تۋريست اياعىن سىندىرىپ العان سوڭ ونىڭ جۇبايى دەرەۋ 112 نومىرىنە حابارلاسىپ، كومەك سۇراعان.
قۇتقارۋ جۇمىستارىنا توتەنشە جاعدايلار مينيسترلىگىنىڭ «تۇيىقسۋ» جانە «مۇزتاۋ» باقىلاۋ-قۇتقارۋ بەكەتتەرىنىڭ ەكى توبى شىققان.
قۇتقارۋشىلار وقيعا ورنىنا 3 ساعاتتا جەتىپ، العاشقى مەديتسينالىق كومەك كورسەتكەن.
جاراقات العان ادامدى تاۋلى سوقپاقپەن جاياۋ ءتۇسىرۋ قۇتقارۋشىلار ءۇشىن قيىنعا سوققان. بۇل پروتسەسس شامامەن بەس ساعاتقا سوزىلعان.
ناتيجەسىندە تۋريست مەدەۋ بوگەتىنە جەتكىزىلىپ، توتەنشە مەديتسينا ورتالىعىنىڭ دارىگەرلەرىنە تاپسىرىلدى. ول الماتىداعى اۋرۋحاناعا جاتقىزىلدى.
ۇقساس جاڭالىقتار
