قر قارجىلىق مونيتورينگ اگەنتتىگى جەتىسۋ وبلىسى بويىنشا سۋبسيديالاردى جىمقىرۋ دەرەگى بويىنشا تەرگەۋ جۇرگىزىپ جاتىر، دەپ حابارلايدى "ادىرنا" ۇلتتىق پورتالى.
الدىن الا مالىمەتكە سايكەس، كۇدىكتى – جاۋاپكەرشىلىگى شەكتەۋلى سەرىكتەستىك باسشىسى. ول ەكى جىل بويى جالعان قۇجاتتاردى پايدالانىپ، اۋىل شارۋاشىلىعى باسقارماسىنان ءسۇت ونىمدەرىن قايتا وڭدەۋگە بولىنگەن مەملەكەتتىك سۋبسيديالاردى زاڭسىز الىپ كەلگەن. جالپى زالال كولەمى 300 ملن تەڭگەدەن استى.
زاڭسىز الىنعان قارجىنىڭ ءبىر بولىگى – 110 ملن تەڭگە – قۇمار ويىندارىنا جۇمسالعان.
سونىمەن قاتار، شىعىنداردى راستاۋ ءۇشىن جەكە كاسىپكەرلەردەن شيكى ءسۇت ساتىپ الۋ تۋرالى جالعان قۇجاتتار جانە سارى ماي ءوندىرىسى بويىنشا كورىنەۋ جالعان مالىمەتتەر ۇسىنىلعان.
سوت سانكتسياسىمەن قۇنى 300 ملن تەڭگەدەن اساتىن زاۋىتقا تىيىم سالىندى. كۇدىكتىگە قاتىستى بۇلتارتپاۋ شاراسى رەتىندە ءۇي قاماق ءتۇرى تاڭدالعان. تەرگەۋ جالعاسۋدا.
اگەنتتىك قر قپك-ءنىڭ 201-بابىنا سايكەس وزگە اقپارات جاريا ەتىلمەيتىنىن حابارلادى.
