QR Qarjylyq monitoring agenttıgı Jetısu oblysy boiynşa subsidiialardy jymqyru deregı boiynşa tergeu jürgızıp jatyr, dep habarlaidy "Adyrna" ūlttyq portaly.
Aldyn ala mälımetke säikes, küdıktı – jauapkerşılıgı şekteulı serıktestık basşysy. Ol ekı jyl boiy jalǧan qūjattardy paidalanyp, Auyl şaruaşylyǧy basqarmasynan süt önımderın qaita öŋdeuge bölıngen memlekettık subsidiialardy zaŋsyz alyp kelgen. Jalpy zalal kölemı 300 mln teŋgeden asty.
Zaŋsyz alynǧan qarjynyŋ bır bölıgı – 110 mln teŋge – qūmar oiyndaryna jūmsalǧan.
Sonymen qatar, şyǧyndardy rastau üşın jeke käsıpkerlerden şikı süt satyp alu turaly jalǧan qūjattar jäne sary mai öndırısı boiynşa körıneu jalǧan mälımetter ūsynylǧan.
Sot sanksiiasymen qūny 300 mln teŋgeden asatyn zauytqa tyiym salyndy. Küdıktıge qatysty būltartpau şarasy retınde üi qamaq türı taŋdalǧan. Tergeu jalǧasuda.
Agenttık QR QPK-nıŋ 201-babyna säikes özge aqparat jariia etılmeitının habarlady.
