22 تامىز كۇنى قازاقستان پرەزيدەنتى قاسىم-جومارت توقاەۆ قىرعىزستانعا رەسمي ساپارمەن بارادى، دەپ حابارلايدى "ادىرنا" ۇلتتىق پورتالى.
بۇل تۋرالى اقوردانىڭ ءباسپاسوز قىزمەتى جازدى.
ساپار قىرعىز رەسپۋبليكاسى پرەزيدەنتى سادىر جاپاروۆتىڭ شاقىرۋىمەن جۇزەگە اسادى.
بىشكەكتە ەكى ەل باسشىلارى قازاق-قىرعىز ستراتەگيالىق سەرىكتەستىگى مەن وداقتاستىق قاتىناستارىن ودان ءارى تەرەڭدەتۋ ماسەلەلەرىن تالقىلايدى.
سونىمەن قاتار، مەملەكەت باسشىلارى قازاقستان مەن قىرعىزستاننىڭ جوعارى مەملەكەتارالىق كەڭەسىنىڭ وتىرىسىنا قاتىسادى.
ۇقساس جاڭالىقتار
