استانادا 30 جاستاعى ايەل ءوز اناسىن ءولتىردى دەگەن كۇدىكپەن ۇستالدى، دەپ حابارلايدى "ادىرنا" ۇلتتىق پورتالى.
پوليتسيا دەپارتامەنتىنىڭ مالىمەتىنشە، قالاداعى پاتەرلەردىڭ بىرىنەن زورلىق-زومبىلىق بەلگىلەرى بار ەگدە جاستاعى ايەلدىڭ ءمايىتى تابىلعان.
"قىلمىس جاسادى دەگەن كۇدىكپەن مارقۇمنىڭ 30 جاستاعى قىزى انىقتالىپ، ۇستالدى. الدىن الا مالىمەت بويىنشا، ولاردىڭ اراسىندا جانجال تۋىنداپ، ول ۇرىسقا ۇلاسقان. سول ساتتە كۇدىكتى اناسىن پىشاقپەن جارالاعان", – دەلىنگەن پوليتسيا حابارلاماسىندا.
قازىر كۇدىكتى ۋاقىتشا ۇستاۋ يزولياتورىنا قاماۋعا الىندى. وقيعاعا بايلانىستى قىلمىستىق ءىس قوزعالىپ، تەرگەۋ جۇرگىزىلىپ جاتىر.
ۇقساس جاڭالىقتار
